Kaŝtanbrusta perdriko
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Arborophila charltonii (Eyton, 1845) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Kaŝtanbrusta perdriko (Arborophila charltonii) estas mezgranda birdo de la familio de Fazanedoj de la ordo de Kokoformaj kaj subfamilio de Perdrikenoj. Foje estis lokigita en genron Tropicoperdix. Probable formas superspecion kun la Skvambrusta perdriko, A. chloropus, kaj la Vjetnama perdriko, A. merlini, ambaŭ el kiuj estis konsiderataj rasoj de nuna specio; taksonomio de tiuj tri formoj estas malmulte konata kaj postulas revizion; A. chloropus tonkinensis ŝajne estus intermeza, kaj povus fakte aparteni al tiu ĉi specio.
Estas perdriko kun tre markata bruna brustomakulo (kaŝtankolora), kiu nomigas la specion. En kapo estas malhelbruna strieca krono, malhela okulringo inter blankaj superokula strio kaj mustaĉa al vanga zono, krom blankeca orelmakulo. La kolo estas blankanigra punkteca. Dorso, flugiloj, mallonga vosto, suba brusto kaj ventraj flankoj estas kamufle tre striecaj blankanigre. La centra ventro estas helbruna al ruĝecbruna. La kruroj estas flavecaj.
Ĝi troviĝas en Indonezio, Malajzio, Birmo, Tajlando kaj Vjetnamio. Ties natura habitato estas subtropikaj aŭ tropikaj humidaj arbaroj de malaltaj teroj. Ĝi estas minacata pro habitatoperdo.[1]
Oni agnoskas kutime tri subspeciojn kiuj estas la jenaj:
- nomiga charltonii (Eyton, 1845) - suda Tajlando kaj suda Birmo al duoninsula Malajzio.
- atjenensis (Meyer de Schauensee & Ripley), 1940 - Aceho, en norda Sumatro; malnovaj vidaĵoj de suda Sumatro, valideco de tiu raso atjenensis estas dubinda.
- graydoni (Sharpe & Chubb, 1906) - Sabaho, nordorienta Borneo.
Referencoj[redakti | redakti fonton]
- ↑ BirdLife International (2006). Arborophila charltonii. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 10a Julio 2007. Preskaŭ Minacata.
| ||||||||||||||||||
