Kvarkantona Lago

Kvarkantona Lago
	germane Vierwaldstättersee
lago • area not part of a municipality of Switzerland
Ĉefaj fontoj	Rivero Reuss; Sarna Aa; Engelberger Aa; Muota
Ĉefaj elfluoj	Rivero Reuss
Insuloj	Altstad-Insel (insuleto)
Areo de la baseno	2124 km²
Landoj de la baseno	Svislando
Datenoj
Koordinatoj	CH1903: 673175 / 208048 (mapo)47.0194444444448.4011111111111433Koordinatoj: 47° 1′ 10″ N, 8° 24′ 4″ O; CH1903: 673175 / 208048 (mapo)
	Kvarkantona Lago (Svislando)
	Kvarkantona Lago (Svislando)
	Kvarkantona Lago
Supermara alteco	433 m
Surfaca areo	113,6 km²
Akva volumeno	11,8 km³
Maksimuma profundo	214 m
Averaĝa profundo	104 m
Restad-tempo (de laga akvo)	3,4 jaroj
Borda longo1	143,7 km
1 Borda longo estas malpreciza mezuro.
	v • d • r

Kvarkantona Lago (germane Vierwaldstättersee; france Lac de Quatre Cantons; itale Lago dei Quattro Cantoni) estas lago en centra Svislando, la kvara plej granda en la lando. Ĝia tuta surfaco estas 114 km² kaj troviĝas je alteco de 434 m super la marnivelo. La maksimuma profundeco de la lago estas 214 m kaj ĝia akvovolumo 11.8 km³.

Lagopartoj

Ĝi havas tre komplikan geometrian formon kaj estas dividita en plurajn partlagojn. Ili nomiĝas de sudo al nordo:

Lago de Urio

La suda parto de la lago post la enfluo de la Reuss nomiĝas Lago de Urio.

Baseno de Gersaŭ

Sekvas post mallarĝiĝo la Baseno de Gersaŭ.

Baseno de Weggis

La Baseno de Gersaŭ per ŝnuriĝo estas disigita norde de la Baseno de Weggis, kiu formas la sudan elementon de la norda lagoparto. Tiu havas formon simila al giganta kruco.

Lago de Lucerno

Ĝia norda brako nomiĝas Golfo de Lucerno aŭ Lago de Lucerno, nomon kion oni en diversaj lingvoj uzas ofte ankaŭ kiel nomo por la tuta lago.

Golfoj de Horw kaj Stansstad

La sudokcidenta krucbrako konsistas el la Golfoj de Horw kaj Stansstad.

Lago de Alpnach

Ĉi-lasta parto havas okcidentan longigon, kiu estas nur per eta kolo ligita al la ĉeflago kaj nomiĝas Lago de Alpnach.

Lago de Küssnacht

La orienta brako de la suda lagokruco estas la Golfo aŭ Lago de Küssnacht.

Lagobordoj

Grandparte la lagobordo estas formita de altaj montoj, kiuj krute kaj deklive falas en la akvon, kelkloke ĝis 1500 metrojn. El tio rezultiĝas belegaj kaj pentrindaj vidoj kaj panoramoj. La lagon ĉirkaŭas krom la Kantono Lucerno la tri svisaj prakantonoj, nome Urio, la Ŝvico kaj Untervaldo.

Nutrantaj riveroj

La rivero Reuss enfluas ĉe Flüelen en la Lagon de Urio (la suda lagoparto en la Kanton Urio). La lago ankaŭ estas nutrita de la riveroj Muota ĉe Brunnen, la Engelberger Aa ĉe Buochs kaj la Sarna Aa ĉe Stansstad).