Lengnau BE

Ĝemelurboj
	Lengnau AG • Monteroni di Lecce • Strakonice vd

Lengnau
	Blazono de Lengnau
	Blazono de Lengnau
	Lengnau vidita de la trafikcirklo ĉe la alveturejo al la aŭtovojo
	Lengnau vidita de la trafikcirklo ĉe la alveturejo al la aŭtovojo
komunumo en Svislando
Ĝemelurboj
	Lengnau AG • Monteroni di Lecce • Strakonice vd
Kantono	Berno
Administra distrikto	Bielo
Malnova distrikto ĝis 2009	Büren
Koordinatoj	47° 10′ 55″ N 7° 22′ 0″ O / 47.18194 °N, 7.36667 °O (mapo)Koordinatoj: 47° 10′ 55″ N 7° 22′ 0″ O / 47.18194 °N, 7.36667 °O (mapo)
Areo	7,38 km²
Alteco	445 m super marnivelo
Poŝtkodo	2543
Komunumkodo	0387
	Mapo de Lengnau
	Mapo de Lengnau
	v • d • r

Por aliaj signifoj, bv. rigardi la apartigilan paĝon: Lengnau

Lengnau (en la franca lingvo Longeau) estis urbo ĝis la 31-a de decembro 2009 komunumo de la distrikto Büren kaj ekde la 1-a de januaro 2010 komunumo de la administra distrikto Bielo en Kantono Berno, Svislando. Ĝi havis 4603 loĝantojn je la 31-a de decembro 2010.

Geografio

Lengnau situas ĉe la suda flanko de la Ĵurasa Montaro, proksimume 10 kilometrojn oriente de la urbo Bielo. Tra la komunumo fluas la rojo Leugene, kiu en Grenchen alfluas al Aro. En Lengnau troviĝas la horloĝfabriko kun la esperanta nomo Rado, kiu aktuale apartenas al la Swatch-grupo.

La teritorio de la komunumo etendiĝas sur areo de 7,38 km², de kiuj 36,0% estas kovritaj de arbaro, 39,3% servas por agrikulturo kaj 21,7% por setlado. ^[1]

Najbaraj komunumoj

La komunumo Grenchen limas en nordo kaj oriento al Grenchen (SO), en sudo al Büren ĉe Aro, en sudokcidento al Meinisberg, en okcidento al Pieterlen, kaj en nordokcidento al Romont.

Trafiko

Tra Lengnau pasas la kantona ĉefvojo n-ro 5 kaj la svisa aŭtovojo A5, kies plej proksima alveturejo situas rekte okcidente de la komunumo inter Büren kaj Pieterlen. Al la publika transportreto la komunumo estas konektita per la trajnlinio de Soloturno al Bielo kaj la loka busreto de la urbo Bielo.

Historio

La unua dokumenta mencio de Lengnau datiĝas el la jaro 983 kiel Lengenach. Kiel parto de la mezepoka Senjorujo Strassberg, Lengnau fariĝis en la jaro 1388 respektive 1393 havaĵo de la urbo Berno kaj estis atribuita al ties voktejo Büren. ^[2]