Ipsach

Ipsach
	Blazono de Ipsach
	Blazono de Ipsach
	Ipsach (suba setlejo) kaj Bellmund (malantaŭa setlejo)
	Ipsach (suba setlejo) kaj Bellmund (malantaŭa setlejo)
komunumo en Svislando
Kantono	Berno
Administra distrikto	Bielo
Malnova distrikto ĝis 2009	Nidau
Koordinatoj	47° 7′ 0″ N 7° 3′ 0″ O / 47.11667 °N, 7.05000 °O (mapo)Koordinatoj: 47° 7′ 0″ N 7° 3′ 0″ O / 47.11667 °N, 7.05000 °O (mapo)
Nombro de loĝantoj	3913
Areo	1,91 km²
Alteco	442 m super marnivelo
Poŝtkodo	2563
Komunumkodo	0739
	Mapo de Ipsach
	Mapo de Ipsach
	v • d • r

Por samtitolaj artikoloj vidu la paĝojn Ipsach (stacidomo) kaj Ipsach Herdi (stacidomo).

Ipsach estis ĝis la 31-a de decembro 2009 komunumo de la distrikto Nidau kaj ekde la 1-a de januaro 2010 komunumo de la administra distrikto Bielo en Kantono Berno, Svislando. Ĝi havis 3913 loĝantojn je la 31-a de decembro 2010.

Geografio

Ipsach situas ĉe la suda bordo de la Lago de Bielo proksimume 3 kilometrojn okcidentsudokcidente de la urbo Bielo, al kies aglomeraĵo ĝi apartenas. En nordoriento la komunumo etendiĝas ĝis al la elfluejo de la Nidau-Büren-Kanalo, en kiu la rivero Zihl estis kunigita kun la rivero Aro el la Lago de Bielo.

La teritorio de la komunumo etendiĝas sur areo de 1,91 km², de kiuj 3,7% estas kovritaj de arbaro, 45,0% servas por agrikulturo kaj 50,3% por setlado. ^[1]

Najbaraj komunumoj

Ipsach limas en nordo al la Lago de Bielo, en nordoriento al Nidau, en oriento al Port, en sudo al Bellmund, en okcidento al Sutz-Lattrigen.

Trafiko

Tra la komunumo pasas la kantona ĉefvojo n-ro 237.1 de Nidau al Ins. La plej proksima alveturejo al la svisa aŭtovojo A6 troviĝas 3 kilometrojn oriente de la komunumo ĉe la limo de Brügg kaj Bielo. Al la publika transportreto la komunumo estas konektita per la tramlinio de Nidau al Ins, kiu disponas pri du haltejoj sur la teritorio de la komunumo. Estas cetere projektita en la jaro 2016 longigi tiun tramlinio ĝis la stacidomo de Bielo kaj pluen al Bözingerfeld.

Historio

La unua dokumenta mencio de Ipsach datiĝas el la jaro 1265 kiel Ipzacho. Dum mezepoko la hodiaŭa komunumo konsistis el la du setlejoj Hof-Ipsach kaj Wiler, kiuj formis parton de la regiono Insulgovio de la Grafejo de Nidau. En la jaro 1382 la Insulgovio estis vendita al Friburgo kaj en la jaro 1398 akirita de Berno.^[2]