Lourdes

Lourdes
	Blazono
Administrado
INSEE kodo	65286 [+]
Poŝtkodo	65100 [+]
En TTT	Oficiala retejo [+]
Demografio
Loĝantaro	13 132 (2019) [+]
Loĝdenso	355 loĝ./km²
Geografio
Geografia situo	43° 6′ N, 0° 3′ U (mapo)43.095-0.045277777777784Koordinatoj: 43° 6′ N, 0° 3′ U (mapo) [+]
Alto	420 m [+]
Areo	36,94 km² (3 694 ha) [+]
Horzono	UTC+01:00 [+]
	Situo de Lourdes
	Situo de Lourdes
Alia projekto
	Vikimedia Komunejo Lourdes [+]
	v • d • r

Por samtitola artikolo vidu la paĝon Lourdes (stacidomo).

Statuo de la Sinjorino en la groto

Bernadette Soubirous (ĉirkaŭ 1866)

Baziliko Senmakula koncipiĝo kaj baziliko de Rozario

Memoraĵoj pri Lourdes

Lourdes [lurd], okcitanlingve Lorda [lurdo], esperantlingve Lurdo, estas pilgrim-urbeto situanta piede de la montaro Pireneoj en suda Francio, en la departemento Hautes-Pyrénées. Ĝi havas ĉirkaŭ 17 000 loĝantojn.

Pilgrimado[redakti | redakti fonton]

Lourdes allogas ĉiujare milionojn da vizitantoj, ĉar ĝi estas unu el la plej gravaj pilgrimceloj por la katolikoj de la tuta mondo, konsiderata kiel sankta loko. Katolikoj kredas ke la Virgulino Maria aperis en 1858 antaŭ juna knabino, Bernardeta Soubirous, por deklari al ŝi, ke ŝi estas la Senpeka Koncipiteco. Tiu iom enigma frazo apogis la dogmon ĵus proklamitan de Pio la 9-a en 1854, laŭ kiu la Sankta Virgulino estis per speciala graco liberigita el la Origina Peko en la ventro jam en la momento de sia koncipiĝo. Poste la junulino fariĝis monaĥino kaj estis sanktigita de la katolika Eklezio.

De tiam malsanuloj venas enakviĝi en fonton, kiu situas ĉe la apero-groto, esperante miraklan resaniĝon. Kvankam estas ĉirkaŭ 7 000 asertoj de miraklaj sanigoj, nur 69 estas aprobita de la episkopoj post ekzamenoj de kuracista komitato.

La religia komplekso entenas plurajn preĝejojn, kapelojn, krucvojojn, kaj centojn da hoteloj kaj vendejoj. Krom tiu religia komplekso, la urbo posedas interesan mezepokan fortikigitan kastelon staranta sur alta rokego.

Tute laŭ natura kopiado de la lurdogroto troviĝas en la pilgrimejo Maria Gugging, katastrala komunumo (loko) de la urbo Klostronovburgo (germane Klosterneuburg), Urbo de la Interpopola Kompreniĝo, Aŭstrio.