Unio por Eŭropo de Nacioj

La grupo Unio por Eŭropo de Nacioj (UEN) estas frakcio en la Eŭropa Parlamento. Ĝi ampleksas eŭropajn parlamentanojn el nacie konservativaj kaj eŭroposkeptikaj politikaj partioj, kiuj - kvankam ili ne batalas por la malaliĝo de siaj ŝtatoj el la Eŭropa Unio - tre defendas la nacian suverenecon de la unuopaj ŝtatoj. La anoj venas el sep eŭropaj ŝtatoj, kaj la frakcio estas rezulto de relative nova kunligo de la antaŭaj frakcioj "Unio por Eŭropo" kaj "Frakcio de Sendependuloj por Eŭropo de Nacioj". Kun la parlamenta frakcio ligiĝas la preskaŭ samnoma eŭropa partio Alianco por Eŭropo de Nacioj.

La frakcio post la eŭropa baloto 2004 ampleksas 44 parlamentanojn kaj estas la kvara plej granda frakcio en la Eŭropa Parlamento post la kristandemokratoj, socialdemokratoj kaj liberaluloj. Plia eŭroposkeptika frakcio estas la Frakcio Sendependeco kaj Demokratio, kiu momente reprezentas 23 parlamentanojn.

Naciaj partioj en la frakcio

ŝtato	nomo	parlamentanoj
Francio	Rassemblement pour la France	0
Italio	Alleanza Nazionale ("Alianco Nacia")	9
Italio	Lega Nord ("Ligo Norda")	4
Irlando	Fianna Fáil	4
Portugalio	Centro Democrático Social-Partido Popular ("Centro Demokratia kaj Sociala" - "Popola Partio de Portugalio")	0
Danio	Dansk Folkeparti ("Dana Popola Partio")	1
Pollando	Prawo i Sprawiedliwość	7
Pollando	Samoobrona	5
Pollando	Polskie Stronnictwo Ludowe Piast	4
Pollando	Liga Polskich Rodzin ("Ligo de Polaj Familioj")	4
Estonio	Eestimaa Rahvaliit ("Estona Popola Ligo")	0
Latvio	Tēvzemei un Brīvībai (partio "Patrio kaj Libereco")	4
Slovakio	L'udová Únia	0
Litovio	Liberalu Demokratu Partija ("Liberaldemokrata Partio")	1
Litovio	VNDS ("Unio de Kamparanoj kaj Nova Demokratio")	1

Reta ligilo

greke oficialaj paĝoj de la frakcio