Lee Jung-kee

Lee Jung-kee (I Zun-gi, koree 이중기) estas korea esperantisto. En Esperantujo li karesnomiĝas ankaŭ "Ŝlosilo". Li esperantistiĝis en 1971, kaj fariĝis prezidanto de Seula Esperanto-Kulturcentro ekde 1991.

Li ricevis la premion Deguĉi en la 87-a UK (Fortalezo, Brazilo), kune kun Ma Young-tae pro sia kontribuo al la Esperanto-movado.

En 2008 li estis elektita kiel prezidanto de KAEM (Komisiono pri Azia Esperanto-Movado de UEA) dum la 5-a Azia Kongreso de Esperanto en Bengaluro en Barato.

En la 30-a tago de aŭgusto en 2008, Seula Esperanto-Kulturcentro festis sian la 200-an kurson. La Esperanto-kursoj okazas ĉiumonate ekde 17 jaroj; partoprenis ĝis nun 1416 civitanoj.

Ĝis la fino de 2009, li sesdek-sep-foje partoprenis en internaciaj Esperanto-eventoj.

La 20-an de julio 2013 Lee Jung-kee dum la komitatkunsido de la 98-a UK en Rejkjaviko estis elektita kiel estrarano de UEA.

Postenoj

• 1983.1. ~ 1985.1. : Sekretario de Korea Esperanto-Asocio
• 1987.1. ~ 1991.10. : Sekretario de Korea Esperanto-Asocio
• 1991 : Komitatano C de Universala Esperanto-Asocio
• 1991.11.15. ~ nun : Prezidanto de Seula Esperanto-Kulturcentro
• 1994 : Korea komisionano de KAEM
• 1997 ~ 2000 : Vicprezidanto de Korea Esperanto-Asocio
• 1997 ~ nun : Docento en Universitato Dankook pri Esperanto
• 2001 ~ 2004 : Prezidanto de Korea Esperanto-Asocio
• 2003 ~ nun : Docento en Universitato Wonkwang pri Esperanto
• 2004 : Korea komisionano de KAEM
• 2005 ~ 2007 : Docento en Universitato Hankuk de Fremdaj Studoj pri Esperanto
• 2005 : Sekretario de KAEM
• 2008.1.1. ~ nun : Membro de Esperantlingva Verkista Asocio
• 2008.2.13. ~ nun : Prezidanto de KAEM
• 2010.6.23. : Eksiĝo de prezidanto de KAEM kaj elektita kiel honora prez. de KAEM
• 2013.7.20 ~ nun : Estrarano de Universala Esperanto-Asocio

Verkoj

• La lingvo de Internacia epoko, Esperanto-lernolibro (korealingva verko)

Tradukoj

• La historio de Esperanto (verkita de Edmond Privat, korealingva kuntraduko)
• La vivo de Zamenhof (verkita de Lopezo Luna, korealingva traduko)
• La homo kiu defiis Babelon (verkita de René Centassi kaj Henri Masson, korealingva kuntraduko)
• Esperanto tiel parolata (verkita de Huĝimoto Tacuo, korealingva traduko)
• Rekta metodo de Esperanto (verkita de Stano Marček, korealingva traduko)
• Bela sonĝo (verkita de Julian Modest,korealingva traduko)
• Leteroj el Koreio (verkita de LEE Jung-kee,Esperanto-esearo)

Eksteraj ligiloj

• Seula Esperanto-Kulturcentro