Lee Jung-kee
| Lee Jung-kee | |
|---|---|
| |
| Persona informo | |
| Naskiĝo | en 1954 |
| Lingvoj | Esperanto |
| Ŝtataneco | Sud-Koreio 
|
| Okupo | |
| Okupo | esperantisto (1971–)
|
LEE Jung-kee (n. en 1954, prononco [I Zun-gi], koree 이중기) estas korea esperantisto. En Esperantujo li karesnomiĝas ankaŭ "Ŝlosilo". Li esperantistiĝis en 1971, do 16- respektive 17-jara, kaj fariĝis prezidanto de la tiam fondita Seula Esperanto-Kulturcentro 20 jarojn poste, en 1991. Ekde tiu jaro li ankaŭ estas membro de la Komitato de UEA, komence kiel komitatano C.
Li ricevis la premion Deguĉi en la 87-a UK (Fortalezo, Brazilo), kune kun Ma Young-tae pro sia kontribuo al la Esperanto-movado.
En 2008 li estis elektita kiel prezidanto de la Azia Komisiono de UEA dum la 5-a Azia Kongreso de Esperanto en Bengaluro en Barato.
La 30-an de aŭgusto 2008 Seula Esperanto-Kulturcentro kun daŭra gvidado de Lee Jung-kee festis sian la 200-an kurson. La Esperanto-kursoj okazas ĉiumonate ekde 17 jaroj; partoprenis ĝis nun 1416 civitanoj.
Ĝis la fino de 2009 li sesdek-sep-foje partoprenis en internaciaj Esperanto-eventoj.
La 20-an de julio 2013 Lee Jung-kee dum la komitatkunsido de la 98-a UK en Rejkjaviko estis elektita kiel estrarano de UEA, kaj denove la 23-an de julio 2016 dum la 101-a UK en Nitro.
Postenoj
[redakti | redakti fonton]- 1983.1. ~ 1985.1. : Sekretario de Korea Esperanto-Asocio
- 1987.1. ~ 1991.10. : Sekretario de Korea Esperanto-Asocio
- 1991 : Komitatano C de Universala Esperanto-Asocio
- 1991.11.15. ~ nun : Prezidanto de Seula Esperanto-Kulturcentro
- 1994 : Korea membro de la Azia Komisiono de UEA (KAEM)
- 1997 ~ 2000 : Vicprezidanto de Korea Esperanto-Asocio
- 1997 ~ nun : Docento en Universitato Dankuk pri Esperanto
- 2001 ~ 2004 : Prezidanto de Korea Esperanto-Asocio
- 2003 ~ nun : Docento en Universitato Wonkwang pri Esperanto
- 2004 : Korea membro de la KAEM
- 2005 ~ 2007 : Docento en Universitato Hankuk pri fremdaj studoj pri Esperanto
- 2005 : Sekretario de KAEM
- 2008.1.1. ~ nun : Membro de Esperantlingva Verkista Asocio
- 2008.2.13. ~ nun : Prezidanto de KAEM
- 2010.6.23. : Eksiĝo de prezidanto de KAEM kaj elektita kiel honora prez. de KAEM
- 2013.7.20 ~ 2019.7.20: Estrarano de Universala Esperanto-Asocio
Verkoj
[redakti | redakti fonton]- La lingvo de Internacia epoko, Esperanto-lernolibro (korealingva verko)
- Leteroj el Koreio (esearo)
Tradukoj
[redakti | redakti fonton]- Historio de la lingvo Esperanto (verkita de Edmond Privat, korealingva kuntraduko)
- La vivo de Zamenhof (verkita de Anastasio López Luna, korealingva traduko)
- La homo kiu defiis Babelon (verkita de René Centassi kaj Henri Masson, korealingva kuntraduko)
- Esperanto tiel parolata (verkita de Tacuo Huĝimoto, korealingva traduko)
- Rekta metodo de Esperanto (verkita de Stano Marček, korealingva traduko)
- Bela sonĝo (verkita de Julian Modest, korealingva traduko)
- Leteroj el Koreio (verkita de LEE Jung-kee, Esperanto-esearo)
Eksteraj ligiloj
[redakti | redakti fonton]- biografio de li kun foto okaze de lia honora membreco de UEA, en prezento de julio 2025 de la tiujara UK (en formato PDF, paĝo 3-4, esperante)
- Libroj kaj aliaj dokumentoj de kaj pri Lee Jung-kee en la Kolekto por Planlingvoj kaj Esperantomuzeo de la Aŭstria Nacia Biblioteko (germane)
- Seula Esperanto-Kulturcentro