Meißen

Blazono de Meißen

Meissen aŭ Meißen [Majsn] estas germana urbo, kiu situas ĉe la rivero Elbe en la federacia lando Saksio. Ĝi estiĝis el la slava burgo Misni en la jaro 929. En 1150 Meißen unuafoje estis dokumente menciita kiel urbo. Historie ĝi estis ĉefurbo de la iama margraflando Meißen, kiu fariĝis la kernlando kaj antaŭulo de la hodiaŭa Saksio. Nuntempe ĝi famas ĉefe pro vitkultivado kaj la porcelano produktata tie. La urbo estas la administra centro de samnoma distrikto Meißen. Fine de la jaro 2022 la urba komunumo havis 29 011 loĝantojn.

Faktoj

Meissen, burgo kaj katedralo

Strato en la urbokerno

Meißen dum nokto

Alta vido de la urbo

• Situo: 51° 10′ N 13° 28′ O (mapo)
• Loĝantaro: proksimume 29.000 (en 2002)
• Alteco: averaĝe 109 m super la marnivelo
• Horzono: GMT+1h (+2h de aprilo ĝis oktobro)
• Areo: proksimume 30,9 km²

Famaj homoj de la urbo

• Johano la Konstanta, saksia princo-elektisto
• Samuel Hahnemann, iniciatinto de la homeopatio
• Johann Adolf Schlegel, verkisto

Esperanto en Meissen

Ekzistas Esperanto-grupo en Meissen. Okaze de la 4-a Universala Kongreso de Esperanto en 1908 la urbo estis celo de ekskurso.

Vidu ankaŭ

• margraflando Meißen
• distrikto Meißen
• Saksa Svislando

Eksteraj ligiloj

• oficialaj paĝoj de la urbo (germanlingvaj)
• ĉio pri la porcelano de Meißen
• fonto pri la statistikaj informoj
• Ligo al la Esperanto-Grupo en Meißen