Ĥanuko

Ĥanuko
Bruliganta ĥanukujilo je la antaŭlastan 7-an tagon de la festo. Notu bone ke ne temas pri Menoro.
festotago • ĉiujara okazaĵo • festa aŭ feria tago
Oficiala nomo	hebree: חֲנֻכָּה
Alia nomo	Festo de la lumoj
Festata	en judismo, de judoj
Speco	Juda
Signifo kaj senco	La makabeoj sukcese ekribelis kontraŭ Antioĥo la 4-a Epifano. La templo estis denove rekonsekrita kaj menoro mirakle brulis dum ok tagoj.
Komenco	la 25-a tago de monato Kislevo
Fino	la 2-a aŭ la 3-a tago de monato Teveto
Kutimoj kaj tradicioj	Ĉiuvespere bruligado de ĥanukaj kandeloj. Kantado de ĥanukaj kantoj, kiel estas Ma'oz Cur. Recitado de halelo. Estas manĝataj solenaj manĝaĵoj kaj manĝaĵoj frititaj en oleo, kiel estas terpomaj patkukoj (latkes) kaj benjetoj. Estas ludata ludo kun turbo kaj estas donataj ĥanukaj donacoj.
Koneksas  kun	Purimo, kiel festo proklamita de rabenoj

Ĥanuko (Lumfesto - חנוכה [ĥanuka'] en la hebrea lingvo kaj חנוכה [ĥani-ke] en la jida) estas juda festo celebrata post la 24-a de kislevo (variaj tagoj en decembro). Ĝi estas nomata "la festo de lumoj", ĉar ĝi memorigas la miraklon, kiam oleo por unu tago daŭris ok tagojn en la lampo (menoro) de la Templo de Jerusalemo, laŭ la libroj pri la Makabeoj (troveblaj en la Septuaginto, sed ne en la hebrea Masora Biblio).

Ĥanuka tablo

Ĥanuka turbo - swiwon (drejdł)

Ĥanukaj benjetoj - sufganijot

Ĥanukaj terpomaj patkukoj - latkes

Oni manĝas specialajn manĝaĵojn (benjetoj, terpomaj patkukoj), ludas specialajn ludojn (turboj) kaj lumigas specialan kandelaron. Kontraŭe al la sepkandela menora' , la ĥanuka kandelaro havas naŭ kandelojn, po unu por ĉiuj el ok tagoj de la origina evento plus unu por bruligi la aliajn.

Male al la aserto de kelkaj, Ĥanuko' ne iĝis la kristanisma Kristnasko, kvankam tiu estas proksima tempe; la 25-a de decembro estis origine en mitraismo "la naskiĝtago de la nevenkita suno" (dies natalis solis invicti), kaj la kristana eklezio transformis tiun sunnaskon en kristnaskon.

La festo Ĥanuko okazos inter sunsubiro de la 22-a de decembro de 2019 kaj sunsubiro de la 30-a de decembro de 2019. En 2020, ĝi komenciĝos la 10-an de decembro; en 2021, la 28-an de novembro.