Suda Holando

El Vikipedio, la libera enciklopedio
Saltu al: navigado, serĉo
Vimplo
Flago
Situo
Provinco Suda Holando

Suda Holando (nederlande Zuid-Holland [prononco: ZOJThollant]) estas provinco en okcidenta Nederlando ĉe la bordo de la Norda Maro. Ĝi estas unu el la plej dense loĝataj kaj plej industriigitaj areoj de Nederlando. La provinco havas areon de 3403 km². La loĝantaro estas 3,45 milionoj (2005), per kiu Suda Holando estas la plej popolriĉa provinco de Nederlando. Najbaraj provincoj estas Zelando je la sudo, Norda Brabanto je la sudoriento, Gelderlando kaj Utreĥto je la oriento kaj Norda Holando je la nordo. La okcidenta limo estas la Norda Maro.

Ĉefurbo: Hago

Aliaj setlejoj[redakti | redakti fonton]

Komunikiloj[redakti | redakti fonton]

La Groene Kruisweg - nederlande: "verda transversa vojo", prononco pli-malpli [ĤU:ne KROJSve:ĥ] - estas aŭtovojo 34 kilometrojn longa en la provinco Suda Holando, situanta iom sude de la rivero Mozo (nederlande Maas). Ĝi kondukas trafikon inter la urboj Brielle okcidente kaj Roterdamo oriente. Dumvoje la vojo de okcidento orienten pasas tra la loĝlokoj Vierpolders, Zwartewaal, la komunumopartoj Heenvliet, Geervliet kaj Spijkenisse de la en 2015 kreita komunumo Nissewaard, la ponto Spijkenisserbrug super la rivero Oude Maas ("malnova Mozo"), la komunumoparto Hoogvliet de Roterdamo kaj la komunumopartoj Poortugaal kaj Rhoon de Albrandswaard.