Supra Voltalando

Supra Voltalando
↓ 11-a de decembro 1958 – 4-a de aŭgusto 1984 ↓
historia lando • lando
Geografio
Ĉefurbo:	Vagaduguo
Loĝantaro
Lingvoj:	franca lingvo
Ŝtat-strukturo
Ŝtat-strukturo:	aŭtonoma kolonio
Monunuo:	Afrika franko
Antaŭaj ŝtatoj: Franca Okcidenta Afriko Postsekvaj ŝtatoj: Burkino Elstaraj historiaj eventoj Diplomatiaj rilatoj

Supra Voltalando estis inter 1960 kaj 1984 la nomo de la posta ŝtato Burkino.

Historio

Franca Supra Voltalando aŭ pli simple Supra Voltalando (france Haute-Volta [otvoltA]) estis kolonio de la Franca Okcidenta Afriko establita la 1-an de marto 1919, el teritorioj kiuj estis parto de la kolonioj de Supra Senegalo kaj Niĝero unuflanke kaj de Eburbordo aliflanke. Tiu kolonio estis nuligita la 5-an de septembro 1932, kaj ties partoj estis administrataj de Eburbordo, Franca Sudano kaj Niĝero.

Post la Dua Mondmilito, nome la 4-an de septembro 1947, la kolonio estis restaŭrita kiel parto de la Franca Unio, kun siaj antaŭaj limoj. La 11-an de decembro 1958, ĝi estis rekonstituita kiel memrega Respubliko de Supra Voltalando ene de la Franca Komunumo, kaj post du jaroj nome la 5-an de aŭgusto 1960, ĝi akiris kompletan sendependon. La 4-an de aŭgusto 1984, la nomo estis ŝanĝita al Burkina Faso respektive Burkino.

La nomo Supra Voltalando indikas, ke la lando enhavas la supran parton de la rivero Voltao. Tiu rivero estas dividita en tri partoj, nome Nigra, Blanka kaj Ruĝa Voltaoj.