Svislanda Olimpika Asocio

El Vikipedio, la libera enciklopedio
Salti al navigilo Salti al serĉilo
emblemo de la Svisa Olimpika Asocio

La Svisa Olimpika Asocio (angle Swiss Olympic Association aŭ pli mallonge Swiss Olympic) estas neprofitdona organizaĵo, kiu funkcias kiel la Nacia Olimpika Komitato (NOK) de Svisio. Ĝi kreiĝis la 1-an de januaro 1997 el fuzio de la Svisa Asocio pri Sporto (germane Schweizerischer Landesverband für Sport, SLS / france Association suisse du sport, ASS / itale Associazione Svizzera dello Sport, SSA) kaj la Svisa Olimpika Komitato (Schweizerisches Olympisches Comité, SOC / Comité olympique suisse, COS / Comitato Olimpico Svizzero, COS), fondiĝinta en 1912, kun samtempa integriĝo de la Nacia Komitato pri Elita Sporto (Nationales Komitee für Elite-Sport, NKES / Comité national pour le sport d'élite, CNSE / Comitato nazionale per lo sport d'élite, CNSE).

En sia funkcio kiel NOK, la Svisa Olimpika Asocio celas subteni svisajn atletojn, sporton en Svislando kaj organizi tiujn Olimpikajn Ludojn, kiuj okazas en Svislando. Ĝis la jaro 2012 temis pri la Vintra Olimpiko 1928 kaj la Vintra Olimpiko 1948. En Svislando ankaŭ estus disvolviĝinta la pro la Dua Mondmilito ne okazinta Vintra Olimpiko 1940.

Kiel tegmenta sporta asocio nacia, la asocio reprezentas 22 000 sportajn klubojn kaj proksimume 1 600 000 da membroj en tiuj kluboj.

Laŭ la stato de somero 2012, prezidanto de la Svisa Olimpika Asocio estas Jürg Schild.

Eksteraj ligiloj[redakti | redakti fonton]