Svitava

Svitava
	Svitava inter Bílovice kaj Brno
rivero
Bazaj informoj
Longeco	97,3 km
Akvokolekta areo	1 146,9 km²
Averaĝa trafluo	5,4 m³/s
Fluo
- Alteco super marnivelo	465 m
Enfluejo	Svratka
- Alteco	192 m
Geografio
Alfluantoj	Vendolský rivereto (d.), Hynčinka (md.), Bělský rivereto (d.), Kladorubka (md.), Křetínka (d.), Semíč (md.), Úmoří (d.), Bělá (md.), Býkovka (md.), Punkva (md.), Křtinský rivereto (md.)
	Riveroj en Ĉeĥio
	v • d • r

Svitava estas rivero en Moravio (Ĉeĥa Respubliko).

Svitava fontas norde de la urbo Svitavy (laŭ ĝi nomita) kaj fluas suden inter la Bohemia-Moravia montetaro kaj la Drahana montetaro. Apud Březová nad Svitavou oni el ĝia baseno deprenas ĉirkaŭ 1000 l/sek da subtera bonkvalita trinkebla akvo kaj per tubaro provizas per ĝi la urbon Brno. En sia supra parto ĝis Letovice ĝi estas nur mallarĝa rivereto kun multaj kluzoj. En la centra parto ĝis Brno ĝi fluas tra bela profunda valo inter krutaj deklivoj. En Brno sur Svitava estas kelkaj altaj kluzoj kaj ene de la urbo la rivero fluas nur tra neinteresa ebena ĉirkaŭaĵo. La maldekstra enfluejo de Svitava en Svratkon hodiaŭ troviĝas sude de Brno. La rivero estas navigebla ekde Moravská Chrastavá en longeco 72 km. Praktike plej multe oni navigas la riveron en la ĉirkaŭaĵo de Blansko kaj Adamov.