Tamins

El Vikipedio, la libera enciklopedio
Saltu al: navigado, serĉo
Tamins
Blazono de Tamins
Tamins
Kantono Grizono
Distrikto Imboden
Komunumaro Trins
Koordinatoj  46°49′48″N 9°24′18″O  /  46.83°N, 9.405°O / 46.83; 9.405 (Tamins)Koordinatoj: 46°49′48″N 9°24′18″O  /  46.83°N, 9.405°O / 46.83; 9.405 (Tamins)
Nombro de enloĝantoj 1163
Areo 40,74 km²
Alteco 622 m super marnivelo
Poŝtkodo 7015
Komunumkodo 3733
Mapo de Tamins

Pri la komunumo[redakti | redakti fonton]

Tamins (en la romanĉa lingvo Tumein) estas komunumo de la komunumaro Trins kaj la distrikto Imboden en Kantono Grizono, Svislando. Ĝi havis 1163 loĝantojn je la 31-a de decembro 2009.

Geografio[redakti | redakti fonton]

Tamins etendiĝas de la bordo de la rivero Rejno en sudo al la Glarusaj Alpoj en nordo. Sude de la komunuma frakcio Reichenau kuniĝas la Malantaŭa Rejno kaj Antaŭa Rejno al Rejno. La komunumo konsistas el la vilaĝoj Tamins, Reichenau kaj Kunkels norde de la Kunkelspasejo. La rivereto Görbsbach norde de Kunkelspasejo alfluas al la rivero Tamina.

Najbaraj komunumoj[redakti | redakti fonton]

La komunumo Tamins limas en nordo al Pfäfers (SG), en oriento al Felsberg, en sudoriento al Domat/Ems, en sudokcidento al Bonaduz, kaj en okcidento al Trin.

Monda naturheredaĵo[redakti | redakti fonton]

Tamins apartenas al la Svisa Tektonika Areno Sardona, regiono kiu estis la 7-an de julio 2008 akceptita kiel Monda Naturheredaĵo de UNESKO.

Monda heredaĵo de UNESKO


Trafiko[redakti | redakti fonton]

Tra Tamins pasas la kantona ĉefvojo n-ro 19 al Oberalppasejo, kiu komenciĝas apud Tamins aliflanke de Rejno. Aliflanke de la rivero pasas sur teritorio de la komunumoj Domat/Ems kaj Bonaduz la kantona ĉefvojo n-ro 13 kaj la svisa aŭtovojo A13 kaj la fervojlinio de Retia Fervojo, kies stacidomo Tamins-Reichenau fakte ankaŭ situas sur teritorio de Domat/Ems. Tra la vilaĝo Tamins mem pasas la poŝtaŭtolinio de Koiro al Flims kaj Laax.

Historio[redakti | redakti fonton]

La unua dokumenta mencio de Tamins datiĝas el la jaro 1224 kiel Tuminne.

Dum mezepoko Tamins formis kun Trin kaj Reichenau la Senjorujon Trins, kiu nomiĝis ek de 1616 Senjorujo Reichenau kaj ekzistis ĝis 1803. En la jaro 1799 Tamins kun escepto de la preĝejo estis komplete bruligita de francaj trupoj. En la jaro 1905 denove inscendio detruis grandan parton de la vilaĝo.[1]

Notoj kaj referencoj[redakti | redakti fonton]

  1. Fonto: Linus Bühler: Tamins - Mezepoko kaj Novepoko en Historia Leksikono de Svislando (2006-03-07)

Eksteraj ligiloj[redakti | redakti fonton]