Tucidido

El Vikipedio, la libera enciklopedio
Salti al navigilo Salti al serĉilo
Tucidido
(464 a. K. - 399 a. K.)
Athenian strategos
Busto de Tucidido
Busto de Tucidido
Persona informo
Θουκυδίδης
Naskiĝo 464 a. K.
en Ateno, Grekio
Morto 399 a. K.
en Ateno, Grekio
Etno grekoj [#]
Lingvoj antikva greka [#]
Ŝtataneco Antikva Ateno [#]
Profesio
Okupo historiisto [#]
Verkado
Verkoj Historio de la Peloponeza Milito [#]
[#] Fonto: Vikidatumoj
Wikidata-logo.svg
Information icon.svg
vdr


Pri la nomo bv. legi en la diskuto

Tucidido (Thucydides), helena historiisto kiu skribis historion de la peloponesa milito.

Li naskiĝis ĉe Halimus en Atiko ĉirkaŭ 464 a.K. Lia familio estis aristokrata kaj riĉa. Li proprietis or-minojn en Trakio. En 424 a.K., dum la peloponesa milito, kiam li komandis atenan eskadron de sep ŝipoj ĉe la insulo Thasos, li malsukcesis savi la urbon Amphipolis de la Spartanoj, kaj sin ekzilis al Trakio, eble por eviti pli gravan punon. Tie li restis dudek jarojn, ĝis li revenis al Ateno en 404 a.K. post la deklaro de ĝenerala amnestio. Kiam kaj kiel li mortis estas necerta: iuj diris ke oni murdis lin aŭ en Ateno aŭ en Trakio; aliaj, ke li mortis en Thasos. Ĉiuokaze, la morto verŝajne okazis antaŭ 401 a.K..

Dum sia ekzilo li kunigis informojn pri la peloponesa milito: tamen ŝajnas ke li komencis sian historion nur post sia reveno al Ateno. La verko klopodas senpartie kaj fidele rakonti la faktojn pri la milito, kaj montras profundan komprenon de homa psikologio. Tucidido ne vivis sufiĉe longe por fini la verkon, kiu finiĝas kun la eventoj de la jaro 411 a.K.. Ĝi enhavas longajn paroladojn atribuatajn al gravaj personoj: tiuj paroladoj havas tre literaturan stilon kaj preskaŭ certas ke per ili Tucidido klopodis prezenti, ne laŭvortan registron de tio kion la parolantoj diris, sed, bonstile, la senson de la paroladoj.

Verkoj[redakti | redakti fonton]

La "Historio de la Peloponeza Milito" estas la nomo de la fama verko de Tucidido, priskribante la okazaĵojn de la milito furiozinta en la dua duono de la 5-a jarcento a.K. la Peloponeza Ligo gvidata de Sparto kaj la Atika-Delia Ligo gvidata de Ateno. Laŭ historia analizo de la verko, grandaj partoj estis dezajnitaj por montri la totalan karakteron de la Peloponeza milito kaj la senbridan invadon al la socia kaj familia vivo de la periodo.