Flumenthal
|
Por samtitola artikolo vidu la paĝon Flumenthal (stacidomo). |
| Flumenthal | |
|---|---|
 | |
| Blazono de Flumenthal | |
| komunumo en Svislando | |
| Kantono | Soloturno |
| Distrikto | Lebern |
| Geografia situo | CH1903: 612114 / 231854 (mapo)47.23757.5986111111111Koordinatoj: 47° 14′ N, 7° 36′ O; CH1903: 612114 / 231854 (mapo) |
|
| |
| Nombro de loĝantoj | 982 |
| Areo | 3,11 km² |
| Alteco | 430 m super marnivelo |
| Poŝtkodo | 4534 |
| Komunumkodo | 2545 |
 | |
| Mapo de Flumenthal | |
Flumenthal estas komunumo en la distrikto Lebern en Kantono Soloturno, Svislando. Ĝi havis 982 loĝantojn je la 31-a de decembro 2010.
Geografio
[redakti | redakti fonton]Flumenthal situas en la Svisa Mezlando ĉe la bordo de la rivero Aro sude de la Soloturna Ĵuraso. La komunumo troviĝas proksimume en la mezo inter Oensingen kaj Soloturno. La komunumo konsistas el la vilaĝo Flumenthal kaj la bienoj Egghof sur alteco de 477 m s.m., Scharlenmatt sur 467 m s.m., Höchi sur 455 m s.m., Flos sur 430 m s.m., Waldau sur 422 m s.m., kaj Unter dem Bord sur 425 m s.m. La teritorio de la komunumo etendiĝas sur areo de 3,11 km², de kiuj 24,8% estas kovritaj de arbaro, 48,9% servas por agrikulturo kaj 19,6% por setlado. [1]
Najbaraj komunumoj
[redakti | redakti fonton]La komunumo Flumenthal limas en nordoriento al Attiswil (BE), en orientsudoriento al Wangen ĉe Aro (BE), en sudo al Deitingen, en okcidento al Riedholz, kaj en nordokcidento al Hubersdorf.
Trafiko
[redakti | redakti fonton]Tra Flumenthal pasas la grava kantona ĉefvojo n-ro 5 de Olten al Soloturno, kiu sur la komunuma teritorio kongruas kun la kantona ĉefvojo de Bazelo al Soloturno. Per haltejo ĉe la trama etspura fervojlinio de Niederbipp al Soloturno Flumenthal estas konektita al la publika transportreto. La plej proksima alveturejo al la svisa aŭtovojo A1 situas 4 kilometrojn oriento, inter Wangen ĉe Aro kaj Wiedlisbach.
Historio
[redakti | redakti fonton]Ek de proksimume 1050 Flumenthal apartenis al la Senjorujo Balm, kiu en la jaro 1411 estis akritita de la urbo Soloturno. De 1487 ĝis la Helveta Revolucio de 1798 Fulmenthal formis parton de la samnoma voktejo. Ekde la jaro 1803 ĝi estas komunumo de la distrikto Lebern. [2]
Notoj kaj referencoj
[redakti | redakti fonton]Vidu ankaŭ
[redakti | redakti fonton]Eksteraj ligiloj
[redakti | redakti fonton]- Oficiala retejo de la komunumo Flumenthal
- Flumenthal en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Flumenthal – (Kolekto de bildoj kaj plurmediaj dosieroj)
