Verdavosta parulio
 | ||||||||||||||
|---|---|---|---|---|---|---|---|---|---|---|---|---|---|---|
_(8082776636).jpg) Verdavosta parulio
| ||||||||||||||
| Biologia klasado | ||||||||||||||
| ||||||||||||||
| Microligea palustris (Cory, 1884) | ||||||||||||||
| Konserva statuso | ||||||||||||||
 Arealo de verdavosta parulio sur Hispaniolo
| ||||||||||||||
Aliaj Vikimediaj projektoj
| ||||||||||||||
La Verdavosta parulio (Microligea palustris), konata ankaŭ kiel Verdavosta grundoparulio, estas specio de kantobirdo endemia de la insulo de Hispaniolo (Dominga Respubliko kaj Haitio) kaj apudaj insuletoj.
Tiu birdo estas 12–14 cm longa, kun longa vosto, olivverdecaj supraj partoj, grizaj kapo, vizaĝo kaj gorĝo. Subaj partoj estas blankecaj al helgrizaj, pli grizaj ĉe flankoj kaj pli blankeca ĝe gorĝareo. La okulo, kiu estas ruĝa ĉe plenkreskuloj kaj bruna ĉe junuloj, estas ĉirkaŭata de nekompleta blanka okulringo duonsubdividita. La longeca beko kaj kruroj estas malhelgrizaj. Populacioj de pli altaj teroj tendencas esti pli grandaj kaj pli malhelaj ol tiuj de malaltaj teroj.
Ĝenerale lokigita en la familio de Paruliedoj, ĝi konstituas monotipan genron Microligea. Ĵuse rezultis tro malproksima el Paruliedoj por esti taŭge inkludata en ĝin, dum inkludon en Traŭpedoj konfirmis analizoj de DNA kaj same enmeton en la saman kladon de la frata genro Xenoligea, kaj la palmotanagroj de Phaenicophilus.
Tiu neotropisa specio estas insektovora kaj kutime manĝas ĉe grunda nivelo kaj en subkreskaĵaro. Ties natura biotopo estas subtropikaj aŭ tropikaj sekaj arbaroj, humidaj montarbaroj kaj tre degraditaj iamaj praarbaroj, kun teritorioj laŭ altitudoj el marnivela al montara de ĉirkaŭ 2,500 metroj. La populacio de la Insulo Beata estas konsiderata endemia subspecio nome: M. palustris vasta.
Referencoj
[redakti | redakti fonton]- S. Latta, et al. Aves de la República Dominicana y Haití. Princeton University Press, 2006.
- BirdLife International 2004. Microligea palustris[rompita ligilo]. 2006 IUCN Ruĝa Listo de Minacataj Specioj. Konsultita la 26an de julio 2007.
- WHAT IS A WOOD-WARBLER? MOLECULAR CHARACTERIZATION OF A MONOPHYLETIC PARULIDAE. I. J. Lovette and E. Bremingham. The Auk, nº 119, 2002.
| ||||||||||||||||||
