Veronika Poór

El Vikipedio, la libera enciklopedio
Saltu al: navigado, serĉo
Veronika Poór
Veronika Poór.jpg
Veronika Poór (2014)
Personaj informoj
Naskiĝo 1983
Nacieco hungarino
Profesio esperantisto
Lingvokapablo Esperanto
Esperanto
Aliaj aktivaĵoj Ĝenerala Direktoro de UEA (2016–2017),
membro de la Konsilio de UEA (2013–),
Estrarano de TEJO (2013–2015),
gvidanto de Muzaiko (2011–)
Esperantistiĝis en 2009 aŭ pli frue
v  d  r
Information icon.svg

POÓR Veronika (naskiĝis en 1983[1]) estas hungara esperantistino kaj nanoteknologo, ekde majo 2016 Ĝenerala Direktoro de Universala Esperanto-Asocio.

Ŝi doktoriĝis pri fiziko kaj laŭ profesio estas esploristo pri nanoteknologio.[2]

Sian unuan Esperanto-renkontiĝon ŝi partoprenis en 2009.[3] Inter ŝiaj unuaj partoprenitaj Esperanto-renkontiĝoj estis ankaŭ la evento Poludnica en Liptovský Ján (Slovakio) en januaro 2011.[4]

Ekde la Brita Kongreso de Esperanto okazinta en aprilo 2011 ŝi antaŭenigas la ideon de tuttempa internacia retradio Muzaiko, lanĉita en julie 2011, kaj gvidas ties neformalan teamon.

En la oficperiodo 20132015 ŝi estis estrarano de TEJO, respondeca pri aktivula trejnado, scienca kaj faka agado, eksteraj rilatoj kaj homaj rimedoj.[5]

En 2013 ŝi fariĝis membro de la nove fondita Konsilio de UEA.[6]

La 31-an de julio 2015 la estraro de UEA anoncis ŝian elektiĝon kiel nova Ĝenerala Direktoro de UEA. Enoficiĝis en majo 2016, post la emeritiĝo de Osmo Buller.[1][7]

Ŝi renkontis esperantistojn en pluraj kontinentoj, ekzemple en februaro de 2014 dum vizito de la kolombiaj urboj Medeĝino, Cali kaj Bogoto.[8]

Ŝi transdonos sian postenon al Martin Schäffer ekde la 1-an de januaro 2018[9] kaj laboros ĝis la fino de februaro por faciligita transiro[10].

Referencoj[redakti | redakti fonton]

Eskteraj ligiloj[redakti | redakti fonton]

Antaŭe: Ĝenerala Direktoro
de Universala Esperanto-Asocio
Poste:
Osmo Buller 20162017 Martin Schäffer