Vladimir Bakarić

Vladimir Bakarić
Persona informo
Vladimir Bakarić
Naskiĝo	8-an de marto 1912 (1912-03-08) en Velika Gorica
Morto	16-an de januaro 1983 (1983-01-16) (70-jaraĝa) en Zagrebo
Tombo	Mirogoj, Division RKT, site 113, #77 45.83897 °N, 15.98422 °O / 45.83897; 15.98422 (mapo) vd
Lingvoj	kroata vd
Ŝtataneco	Socialisma federacia respubliko Jugoslavio Reĝlando Hungario vd
Alma mater	Zagreba universitato vd
Partio	Komunista Partio de Jugoslavio vd
Familio
Edz(in)o	Marija Šoljan-Bakarić (en) vd
Profesio
Okupo	politikisto ekonomikisto politika komisaro juristo vd
Laborkampo	Politika agado, juro kaj ekonomiko vd
Aktiva en	Zagrebo vd
Postenoj Postenoj Ĉefministro de Kroatio (1945–1953) vd
Honorigoj Honorigoj (28-a de julio 1976)  Granda Kruco de la Ordeno de Princo Henriko (1967)  Grand Cross of Honor for Services to the Republic of Austria (en)  Commemorative Medal of the Partisans of 1941 (en)  Order of Bravery (en)  Ordeno de la Heroo de Socialista Laboro  Ordeno de la Jugoslava Stelo  Decoration of Honour for Services to the Republic of Austria (en)  Ordeno de la Jugoslava Granda Stelo  Ordeno de la Nacia Liberigo  Nacia Heroo de Jugoslavio  Ordeno de Popola Heroo  Order of Kutuzov, 1st class (en)  Ordeno de la Partizana Stelo  Ordeno de Frateco kaj Unueco  Ordeno de Princo Henriko vd
Membrecoj Membrecoj Kroatia Akademio de Scienco kaj Arto vd
vd	Fonto: Vikidatumoj

Vladimir Bakarić (kroate, serbe per cirila alfabeto Владимир Бакарић; naskiĝis la 8-an de marto 1912 en Velika Gorica; mortis la 16-an de januaro 1983 en Zagrebo) estis politikisto en la Socialisma federacia respubliko Jugoslavio. Ekde 1948 li estis gvidanto de la Komunisma Partio de Kroatio, kaj konsideriĝis kvazaŭ prezidanto de Kroatio ene de la jugoslava socialisma federacio. Kune kun la slovena komunisto Edvard Kardelj, kiu estis lia amiko, li apartenis al la modera alo de la jugoslavia komunisma partio. En februaro 1948 ambaŭ estis ĉe la sovetunia ŝtatestro Josif Stalin; en junio 1948 la jugoslavaj komunistoj rompis la rilatojn al Sovetunio, insistantaj pri memstara politika vojo kaj malakceptantaj la doktrinon de Stalinismo. Vladimir Bakarić sekve de tio en Kroatio haltigis la antaŭe komencitan devigan komunigon de la agrikulturaj bienoj.

Li estis inter la iniciatintoj de la jugoslavia ekonomia reformo de 1964/65. En 1966 Vladimir Bakarić partoprenis en la senpotencigo de la antaŭa nacia interna ministro Aleksandar Ranković, kiu havis stalinismajn kaj serve naciismajn tendencojn. En la kroata amasa movado fine de la 1960-aj kaj komence de la 1970-aj jaroj, nomata "Kroata Printempo" ("Hrvatsko proljeće"), li estis peranto inter la jugoslaviemaj centristoj kaj la kroatemaj naciistoj.

Rilate al Esperanto menciindas, ke li estis la Alta Protektanto de la 38-a Universala Kongreso de Esperanto de somero 1953 en Zagrebo.