Ĝermolisto de svedaj esperantistoj

Tiu ĉi artikolo estas ĝermoj de svedaj esperantistoj. Movu unufrazajn artikolojn de svedaj esperantistoj en tiun ĉi paĝon metante alidirektilon. Se vi volus partigi en apartan artikolon, partigu aldonante minimumajn informojn.
Vidu plenan liston: listo de svedaj esperantistoj

A

Bertil Åkerberg

Bertil ÅKERBERG (naskiĝis 1911- mortis meze de majo 1989 en Stokholmo) estis dum pli ol 20 jaroj la respondeca eldonanto de la sveda revuo La espero.

B

Åke Blomberg

Åke BLOMBERG (1922 - mortis la 8-an de junio 1992) estis UEA-delegizo en Lidkoping (Svedio).

Li estis prezidanto de Eldona Societo Esperanto kaj de la loka klubo, iama redaktoro de la sveda revuo La espero.

Viktor Bonde

Viktor BONDE, svedo, bindisto. Naskiĝis en la 8-a de marto 1892 en Falun. Pacifisto, abstinenculo. Esperantisto de 1916. Kursoj; gvidado de la koresponda kurso de SEF, 1927-32. Delegito de UEA, 1919-29. Tradukoj el la sveda en Svenska Arbetar Esperantisten ktp.

Harold Brown

Harold BROWN (1925-2004) mortis la 10-an de marto 2004 post denova apopleksio. Harold loĝis en Högsby (Svedio) dum 19 jarojn. Li verkis multajn librojn, teatraĵojn kaj artikolojn en Esperanto kaj prelegis pri literaturo. Eduko Danĝera - kaj aliaj teatraĵoj, eldonita je la centjariĝo de SEF (Sveda Esperanto Federacio), 2006. La teatraĵo La Pesto estas tradukita en plurajn lingvojn. Bonvolu klaki ĉi tie por vidi la hejmpaĝon de Harold.

C

Erik Alfred Torbjörn Collinder

Erik Alfred Torbjörn COLLINDER (kolinder). Univ. prof. pri finno-ugraj lingvoj en Uppsala. Naskiĝis en la 22-a de julio 1894 en Sundsvall. Lerte defendis Esperanton en radio-diskutado mondlingva printempe de 1933. (Lia patro, gimnazia instruisto en S., estis E-isto, menciita en Jarlibro E-ista 1897.) EdE-C

E

Ann-Gerd Engberg

Ann-Gerd ENGBERG (1929-1994), estraranino de la klubo en Norrköping (Svedio), pereis en la katastrofo de la ŝipo Estonia sur la Balta maro, la 28-an de septembro.

H

Albin Henning Halldor

Albin Henning HALLDOR, naskiĝis la 18-an de septembro 1892 en Sumne(?), estis sveda ĝardenisto kaj redaktoro. Halldor estis Esperantisto de 1907, estrarano kaj afergvidanto de Eldona Societo Esperanto kaj sekretario de Sveda Esperanto-Federacio (SEF) de 1922 ĝis 1927. Li redaktis la organon de SEF, "La Espero" de 1921 ĝis 1927.

J

Victor Janheim

Victor JANHEIM (naskiĝis 1910 - mortis frue en 1989) estis UEA-fakdelegito pri abelkulturo en la sveda urbeto Kungsor dum pli ol 40 jaroj.

Märta Jensie

Märta JENSIE (naskiĝis 1907 - mortis la 25-an de marto 1979 en Jönköping, Svedio) estis sveda esperantistino. Dum 25 jaroj ŝi fakdelegitis pri turismo.

Bengt Joelsson

Bengt JOELSSON estas sveda esperantisto. En 1956 li estis vicprezidanto de Sveda Esperanto-Federacio. Li loĝis en Hägersten.

Gustav R. Johansson

Gustav R. JOHANSSON (naskiĝis 1899 - mortis la 19-an de septembro 1978 en Karlstad, Svedio) estis sveda esperantisto, instruisto, delegito kaj loka peranto de UEA dum pluraj jardekoj.

Stig Johansson

Stig JOHANSSON (naskiĝis en 1918; mortis en 1994 en Tomellila) estis sveda esperantisto kaj dumviva membro de UEA.

K

Henrik Karlsson

Henrik KARLSSON (1912-1995) mortis komence de julio en Kisa (Svedio), kie li estis delegito ekde 1947. Li membris en Societo Zamenhof dekomence (1975).

Hjalmar Kihlberg

Hjalmar KIHLBERG (ĉilberj) (1-a de januaro 1881 en Kilanda – ?) estis sveda esperantisto kaj popollerneja instruisto en Vingaker. Esperantisto de 1928. Prop. kaj kursgvidado Artikotoj.

Nils-Erik Kristoferson

Nils-Erik KRISTOFERSON (naskiĝis 1937 - mortis en septembro 2001 en Stokholmo) estis dumviva membro, delegito pri televizio.

L

Gustav Adolf Larson

Gustav Adolf LARSON, svedo, ĉefkontisto. Nask. l dec. 1888 en Falun. E-isto de 1905. Kas. de SEF. Kunfondinto kaj kas. de Eldona Societo E-a de 1908. Ĉefdel. de UEA.

Henry Lundin

Henry LUNDIN (naskiĝis 1902 - mortis la 24-an de junio 1977 en Örebro, Svedio) estis vicdelegito de UEA en sia urbo. Li aktivis dum multaj jaroj, precipe en la kristana Esperanto-movado (KELI).

Isidor Lundmark

Isidor "Isse" LUNDMARK (naskiĝinta en 1910; mortinta en junio 2002 en Örebro) estis sveda esperantisto. Esperanton li eklernis kiel 17-jarulo, kaj ĝi estis lia ĉefa intereso dum la tuta vivo. Li estis sindona kaj sprita homo, kiu multon faris por la Esperanto-vivo en sia urbo.

M

Lennart Magnusson

Lennart MAGNUSSON (naskiĝis 1911 - mortis 1994 en Malmö, Svedio) estis UEA-fakdelegito pri teksindustrio en Malmö, en kies klubo li estis membro ekde la jaro 1937.

Erik Vilhelm Malmkvist

Erik Vilhelm MALMKVIST, svedo, fervoja oficisto. Naskiĝis en la 1-a de septembro 1887 en Grums. Esperantisto de 1904. Revizoro de Eldona Societo Esperanto de 1929, prezidanto de Stockholma Grupo de 1933, estrarano de SEF de 1932.

Richard Moholm

Richard MOHOLM (naskiĝis 1912 - mortis la 9-an de aprilo 1994 en Lövånger, Svedio) estis UEA-fakdelegito pri ĝardenkulturo, dumviva membro.

N

Ragnhild Niklasson

Ragnhild NIKLASSON (1908-2001) estis membro de 1951, iama FD pri kristanismo, forpasis la 19-an de novembro en Örebro (Svedio). En la sveda sekcio de KELI ŝi estis kasistino, sekretariino kaj prezidantino (1977-80), de 1993 ĝia honora membro.

Amy Nilsson

Amy NILSSON (naskiĝis en 1915; mortis la 7-an de januaro 2001 en Stokholmo) estis sveda esperantisto, dumviva membro de UEA, 50 jarojn aktiva en Kristana Esperantista Ligo Internacia.

Ingemar Nordin

Ingemar NORDIN (1914-2002) estis iama UEA-delegito pri pedagogio, mortis la 15-an de januaro en Stokholmo.

Gustav Nygård

Gustav NYGÅRD (1922-1995), delegito pri maristaj aferoj en Gotenburgo (Svedio), ano de Societo Zamenhof kaj dumviva membro.

P

Folke Pettersson

Folke PETTERSSON (naskiĝis 1918 - mortis en junio 1986 en Solna, Svedio) estis fakdelegito pri fervojoj de pli ol 25 jaroj.

R

Ulf Ribers

Ulf RIBERS (1913-1999) forpasis oktobre en Motala (Svedio). Dum multaj jaroj li grave rolis en la sveda Esperanto-movado, i.a. kiel aktivulo de la eldonejo Progreso.

Kerstin Rohdin

Kerstin ROHDIN naskiĝis en 1937, en Höör (Svedio). Filino de Nils Olsson.

Ivar Runfeldt

Ivar RUNFELDT (naskiĝis 1903 - mortis la 13-an de septembro 1978 en Karlstad, Svedio estis fakdelegito kaj multjara membro de UEA.

S

Malte Smith

Malte SMITH (1908-1997), dumviva membro, regula ano de Societo Zamenhof, mortis en Kavlinge (Svedio).

Jack Snarberg

Jack SNARBERG (naskiĝis en 1921; mortis la 17-an de januaro 2000 en Jönköping) estis sveda esperantisto. Preskaŭ 60 jarojn li estis membro de UEA; li estis ĝia fakdelegito pri juveloj.

Sven Strandberg

Sven STRANDBERG (naskiĝis en 1925; mortis la 30-an de majo 2003 en Lund) estis sveda esperantisto kaj pedelo, iama fakdelegito de UEA pri aŭtomobilismo. Li estis longtempe kluba estrarano.

Sven Sundin

Sven SUNDIN (naskiĝis 1914 - mortis 1993) estis vicdelegito en Växjö (Svedio).

Erik SVÄRD

Erik SVÄRD estas sveda esperantisto kaj programisto. Li programis multajn sukcesajn programojn.

Lennart Svensson

Lennart SVENSSON (1930-2002) estis magistro pri filozofio, delegito kaj dumviva membro en Ljungby, Svedio, mortis en aprilo.

T

Per Tornegren

Per TORNEGREN (1927-1997), dumviva membro de UEA, estis fakdelegito dum kvaronjarcento pri konstruado kaj laborjuro. Li mortis la 4-an de januaro en Malmö (Svedio).

W

John Widén

John WIDÉN (naskiĝis 1902 - mortis la 6-an de marto 1977 en Lidköping, Svedio) estis estro de loka arkivejo, en kiu li kreis konsiderindan Esperanto-fakon. Li aktivis en la loka movado dum pluraj jardekoj kaj longtempe estis ankaŭ membro de UEA.

Karl Wiklund

Karl WIKLUND (naskiĝis 1912- mortis la 31-an de decembro 1992 en Göteborg, Svedio) estis multjara membro de UEA.