Alhambro

Alhambro, Generalife kaj Albayzín, Granada*
Monda Heredaĵo
Lando	Hispanio
Tipo	kultura heredaĵo
Kriterioj	i, iii, iv
Fonto	314
Regiono**	Eŭropo
	Registra historio
Registrado	1984 (8-a Sesio)
	* Traduko de la nomo enskribita en Mondhereda listo.; ** Regiono laŭ klasigo de UNESKO.

Alhambro (el la hispana Alhambra [alambra], siavice el la araba al-hamra = "la ruĝa") estas la nomo de maŭra palaco en Granado, Andaluzio. Estas samnoma vilaĝo en la provinco de Ciudad Real (Hispanio).

Ĝi estis konstruita inter 1248 kaj 1354 sub la rego de la maŭraj regantoj. Post la kristana konkero, ĝi estis parte modifita, interalie per la starigo de renesanca palaco de la imperiestro Karolo la 5-a.

Ĝi estas la plej vizitata monumento de Hispanio kaj estas Monda Kulturheredaĵo de UNESKO.