Birendra de Nepalo

El Vikipedio, la libera enciklopedio
Saltu al: navigado, serĉo

Birendra Bir Bikram Ŝah Dev (nepale वीरेन्द्र वीर विक्रम शाहदेव, naskiĝis la 28-an de decembro 1945, mortis la 1-an de junio 2001) estis reĝo de Nepalo ekde la 31-a de januaro 1972 ĝis la 1-a de junio 2001.

Li regis, dum la unuaj dekkelkaj jaroj - simile al la patro Mahendra de Nepalo - absolutisme. Li sukcesis teni sendependecon de la lando ekvilibrante influojn de Barato, Ĉinio kaj Sovetunio. Nur en 1990 li estis devigita de opozicio permesi agadon de politikaj partioj kaj akcepti konstitucion, kiu enkondukis demokration. En 1996 li estis celo de maoista ribelo strebanta likvidi monarkion.

La 1-an de junio 2001, Birendra estis mortpafita en la reĝa palaco, kune kun pluraj familianoj. Laŭsupoze la mortigisto estis lia filo, la kronprinco Dipendra de Nepalo, kvankam multaj nepalanoj pridubas tiun version de la evento. Dipendra post la morto de Birendra deklariĝis reĝo de Nepalo, sed ĉar li post la masakro estis senkonscia por pafaj vundiĝoj, kiujn li laŭsupoze mem kaŭzis al si, lia frato, princo Gjanendra, deklariĝis reganto. Post kiam Dipendra mortis post tri tagoj, Gjanendra de Nepalo oficiale deklariĝis sekva reĝo de Nepalo. Pri detaloj de la mortigo vidu la apartan artikolon Masakro de la nepala reĝfamilio.

Antaŭe: reĝo de Nepalo Poste: Flago-de-Nepalo.svg
Mahendra de Nepalo 1972 - 2001 Dipendra de Nepalo