Cebulingva Vikipedio
| Cebulingva Vikipedio | |
|---|---|
 | |
| Retadreso | ceb.wikipedia.org |
| Kategorio | Vikipedio (libera reta enciklopedio) |
| Lingvo | cebua |
| Posedanto | Fondaĵo Vikimedio |
| Statistikoj | |
| je la 21-a de majo 2024 | |
| Artikolnombro | 6 117 936 |
| Profundeco | 2.2 |
| Paĝoj | 11 228 861 |
| Redaktoj | 35 039 926 |
| Uzantoj | 115 996 |
| Aktivaj uzantoj | 151 |
| Administrantoj | 4 |
| Dosieroj | 1 |
La cebulingva Vikipedio estas aŭtonomeca eldono de Vikipedio en la cebua lingvo. Sialingve ĝi havas la titolon Wikipedya sa Sinugboanon. La projekto fondiĝis en decembro 2003, praktike ekfunkciis en septembro 2005 kaj atingis 100 000 artikolojn en februaro 2013. La 21-an de majo 2024 ĝi enhavas 1 266 448 artikolojn.
La cebulingva Vikipedio estas unu el pluraj vikipediaj branĉoj prizorgata de la nacia asocio Wikimedia Philippines, kreita en aprilo 2010.[1] Laŭ la nombro de parolantoj, inter la lingvoj kies vikipediajn branĉojn prizorgas la filipina asocio plej grandas la tagaloga lingvo, kiun denaske parolas pli ol 23 milionoj kaj kiel dua lingvo regas pli ol 80 milionoj da homoj sur la insulara ŝtato Filipinoj kaj la insulo Gvamo - pli malgrandas la parolantaroj de la lingvoj de la cebua (12 milionoj) kaj de la varaja (3,4 milionoj) vikipedioj, ankoraŭ pli malmultas la suma parolantaro de la aliaj vikipediaj branĉoj de filipinaj lingvoj.
Laŭ la stato de novembro 2012 la varaja eldono de vikipedio havis duoblan kvanton da artikoloj kompare al la tagaloglingva vikipedio,[2] sed la tagaloga vikipedio tiam en komparo havis signife pli ampleksajn kaj pli bone interne interligitajn artikolojn: laŭ tiu stato la plej multaj varajaj artikoloj estis minimumaj tekstoĝermoj kreitaj fare de robotoj, kiuj post la aŭtomata kreo restis en tia minimuma stato, la uzo de ŝablonoj kaj de internaj ligiloj por gvidi de artikolo al alia similtema artikolo ankoraŭ apenaŭ uzatis, kaj kompare multaj informoj (ekzemple la listo ĉefpaĝa pri alilingvaj vikipedioj) ŝajnis malofte esti aktualigataj. Pro tiu "pseŭdograndeco" la varaja projekto ricevis fortajn kritikojn de diverslingvaj vikipediistoj. La cebulingva vikipedio tiutempe ankoraŭ havis signife malpli ol cent mil artikolojn (en majo 2012 ĝi havis malpli ol 45 000, kaj pli ol duobligis tiun nombron ene de ok monatoj) - tiu eksploda grandiĝo suspektigas ke ankaŭ ĝi signife profitis de robota "pseŭdograndigo".
Vidu ankaŭ
Eksteraj ligiloj
Notoj
- ↑ filmeto pri la diverslingvaj vikipediaj projektoj subtenataj per la asocio Wikimedia Philippines en la vikimedia komunejo.
- ↑ Laŭ la stato de la 16-a de novembro 2012 la tagaloglingva vikipedio havis 57 568 artikolojn kompare al 111 070 en la varaja eldono.
| ||||||||||||||
