Dukolora imperia kolombo

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Dukolora imperia kolombo
Pied Imperial-pigeon - melbourne zoo.jpg
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Kolomboformaj Columbiformes
Familio: Kolombedoj Columbidae
Genro: Ducula
Specio: D. bicolor
Ducula bicolor
(Scopoli, 1786)
Konserva statuso
{{{220px}}}
Konserva statuso: Malplej zorgiga
Aliaj Vikimediaj projektoj
v  d  r
Information icon.svg

La Dukolora imperia kolombo, (Ducula bicolor) estas birdo de la familio de Kolombedoj kiu inkludas turtojn kaj kolombojn. Temas pri granda arbema kolombo kiu estas konata ankaŭ kiel Nutmega kolombo, Toresa imperia kolomboTorresmarkola kolombo estas disvastigata loĝanta kaj reproduktanta birdo ĉefe de etaj insuloj al Hinda Oceano el la insuloj Nikobaroj laŭ arko al Nov-Gvineo. Ĝi troviĝas ankaŭ en norda Aŭstralio en marbordaj areoj el Kimberlio (en Okcidenta Aŭstralio) ĝis la Granda barilrifo, oriente de Kvinslando). Birdoj loĝantaj en la Kimberlioj estas nemigrantaj, dum birdoj oriente de Kvinslando estas migrantaj. Migrantaj birdoj orienten alvenas el Indonezio kaj Papuo-Nov-Gvineo en aŭgusto kaj foriras februare ĝis aprile. Ili ĝenerale povas troviĝi en pluvarbaroj, eŭkaliptoj, marbordaj arbustejoj, rojoj, riveroj, manglejoj kaj insuloj.

Ĝi konstruas malperfektan neston el bastonetoj en arbo, kutime kokospalmo, kie la ino demetas ununuran blankan ovon, de kie eloviĝas la ido post 23 ĝis 25 tagoj. La ido elnestiĝas post pliaj tri semajnoj. En Aŭstralio ili reproduktiĝas inter aŭgusto kaj januaro en manglejoj, vitejoj kaj arekacoj de proksimaj insuloj, kiel la insuloj Brook. En nordorienta Kvinslando, ili migras ĉiutage en aroj el insuloj al kontinentaj pluvarbaroj por manĝi fruktojn. Ili revenas al insuloj krepuske.

Dukolora imperia kolombo estas granda fortiketa kolombo, 37-44 centimetrojn longa, kun 45 cm de enverguro. Gix estas preskaŭ entute blanka aŭ kremokolora, aparte de nigraj flugilplumoj kaj supravosto, krom malhelaj okuloj, helbluaj kruroj kaj beko ĉu helblua kun malhela pinot ĉu flaveca. La kapo povas aperi bruna makulita pro esti manĝinte fruktojn. La flugo estas rapida kaj rekta, kun regula flugilfrapado kaj eventuala vipado de flugiloj kio estas karaktera de kolomboj en ĝeneralo. Maskloj je ceremonio supreniras, haltas kaj glitas suben.

Tiu ĉi estas arbema kolombo, kiu manĝas preskaŭ nur fruktojn. Ĝi englutas ankaŭ fruktojn kun grandaj semoj, kiuj poste estas ĉu vomitaj ĉu ekskretitaj entere, depende el la grando, post kiam la karno estis deprenita.

Alvokoj estas profondaj "mrrruuuuu", "ru-ka-hu" kaj "ap-huuu".

Tiuj birdoj ĉeestis iam en grandaj kolonioj en Cairns, Kvinslando, Aŭstralio, sed ĝi suferis amasbuĉadon en la 19-a jarcento, ĉar tiam oni konsideris ilin kiel plagon. La loĝantaro rapide malpliiĝis kaj nun estas malrapide pliiĝanta ĉar profitas protektan statuson en Aŭstralio, kie estas nune ĉirkaŭ 30,000. E. J. Banfield verkis en 1908, ke en insulo Dunk "entute 100,000 iras kaj revenas vespere kaj frumatene", kun flugantaj kolonioj tiom amplekse kiom gixs du mejlojn. Ĝi estis priskribita de Harold James Frith en 1982, kiuj ĉeestis tiujn tagmigradojn kiel "unu el la grandaj ornitologiaj espertoj de tropikoj."

Bildaro[redakti | redakti fonton]

Referencoj[redakti | redakti fonton]

Eksteraj ligiloj[redakti | redakti fonton]