Eŭropa Konsilio
La Eŭropa Konsilio estas kunveno de ŝtatestroj de la Eŭropa Unio kaj la Prezidento de la Eŭropa Komisiono (ĝi estas do alia afero ol la Konsilio de la Eŭropa Unio kaj la Konsilio de Eŭropo). Averaĝe, kvar Eŭropaj Konsilioj okazas ĉiujare.
Eŭropaj Konsilioj tradicie okazis en la lando kiu tiutempe tenis la Prezidentecon de la Eŭropa Unio. Tamen, malfrue en 2000 oni konsentis en la Eŭropa Konsilio de Nico ke duono el la estontaj Eŭropaj Konsilioj okazu en Bruselo, kaj iam en la estonteco ĉiuj okazu tie.
Tiu decido havis du motivojn. Unue, kun la okazonta pligrandiĝo de la Eŭropa Unio al 27 aŭ pli membroj, cikli la lokon de la kunvenoj tra la membraj ŝtatoj iĝos tro netraktebla. Due, Belgio minacis prokrasti la Traktaton de Nico pro sia malfeliĉo pri la povo en la institucioj de la malpli grandaj ŝtatoj; do okazigi landestrajn konferencojn en Bruselo kuraĝigis Belgion akcepti la interkonsenton.
Post la decido, plie impetigis ĝin kreskantaj perforto ĉirkaŭ kunvenoj de la Eŭropa Konsilio, kiu kulminis je la pafado de manifestacianto ĉe la konsilia kunveno en Gotenburgo, Svedio.
Oni sentis ke la Belga registaro estas pli sperta pri traktado de manifestacioj kontraŭ la Eŭropa Unio, kaj ke okazigi la kunvenon en la sama loko ebligus plian sekurecon.
Individuaj Eŭropaj Konsilioj
Vidu ankaŭ
- la artikolon pri Eŭropa Konvencio
- Europedia
| ||||||||