Konsilio de Eŭropo

El Vikipedio, la libera enciklopedio
Saltu al: navigado, serĉo
Emblemo de la Konsilio de Eŭropo

La Konsilio de Eŭropo estas la internacia organizaĵo de la "Granda Eŭropo", kaj enkalkulas 46 membroŝtatojn (kontraste al 27 en Eŭropa Unio). Ĝin fondis la Londona Statuto la 5-an de majo 1949. Ĝia sidejo estas en Strasburgo, Francio.

Eblaj konfuzoj[redakti | redakti fonton]

Atentu ne konfuzi la Konsilion de Eŭropo kun:

  • la Konsilio de Eŭropa Unio, kiu estas politika kaj leĝfara institucio de Eŭropa Unio, kaj kiu konsistas el la membroŝtataj ministroj;
  • la Eŭropa Konsilio, kiu estas neformala organo de Eŭropa Unio, kaj kiu konsistas el la registarestroj (ŝtatestroj aŭ kabinetestroj) de la membroŝtatoj – ĝi difinas la esencon de la ĝenerala politiko de Eŭropa Unio.

Celoj[redakti | redakti fonton]

La Konsilio de Eŭropo celas:

  • Defendi la homajn rajtojn kaj la parlamentan demokration, kaj garantii la unuaecon de juro;
  • Ellabori kontinentskalajn traktatojn por harmoniigi la socialajn kaj jurajn praktikojn de la membroŝtatoj;
  • Faciligi la konsciiĝon pri eŭropa identeco surbaze de komunaj valoroj kaj malgraŭ la kulturaj diferencoj.

Organoj[redakti | redakti fonton]

La ĉefaj organoj de la Konsilio de Eŭropo estas:

  • Ministrara Komitato: ĝi konsistas el 46 ministroj pri Eksterlandaj Aferoj aŭ el iliaj delegitoj; ĝi estas la decida organo de la organizaĵo;
  • Parlamenta Asembleo: ĝi konsistas el 630 membroj (315 plenrajtaj kaj 315 anstataŭaj) devenantaj de la 46 landaj parlamentoj.
  • Kongreso de Lokaj kaj Regionaj Povoj: ĝi konsistas el la Ĉambro de Lokaj Povoj kaj la Ĉambro de Regionaj Povoj;
  • Ĝenerala Sekretariejo: ĝi konsistas el 1 800 oficistoj.

Traktatoj kaj rekomendoj[redakti | redakti fonton]

La Konsilio de Eŭropo ellaboris 199 traktatojn aŭ konvenciojn pri homaj rajtoj, lukto kontraŭ la organizita krimularo, prevento de torturo, protekto de la datenoj, de malplimulto, kultura kunlaboro, ktp... Inter ili estas:

  • Eŭropa Konvencio pri Homaj Rajtoj, subskribita en 1950 kaj ekefikinta en 1953;
  • Eŭropa Sociala Ĉarto, subskribita en 1961 kaj ekefikinta en 1966;
  • Eŭropa Ĉarto pri Regionaj aŭ Minoritataj Lingvoj, subskribita en 1992.

Krome la Konsilio de Eŭropo alprenis cele al la registaroj rekomendojn, kiuj difinas ĉefprincipojn pri juro, sano, amasinformado, instruado kaj edukado, kulturo, sporto...

Membroŝtatoj[redakti | redakti fonton]

Membroŝtatoj de la Konsilio de Eŭropo

Fondintaj membroŝtatoj[redakti | redakti fonton]

Flago de Belgio malpli alta.svg Belgio Flago-de-Italio.svg Italio
Flag of the United Kingdom.svg Britio Flago-de-Luksemburgio.svg Luksemburgo
Flago-de-Danio.svg Danio Flago-de-Nederlando.svg Nederlando
Flago-de-Francio.svg Francio Flago-de-Norvegio.svg Norvegio
Flago-de-Irlando.svg Irlando Flago-de-Svedio.svg Svedio

Ceteraj, nefondintaj membroŝtatoj[redakti | redakti fonton]

Flago-de-Albanio.svg Albanio Flago-de-Latvio.svg Latvio
Flago-de-Andoro.svg Andoro Flago-de-Liĥtenŝtejno.svg Liĥtenŝtejno
Flago-de-Armenio.svg Armenio Flago-de-Litovio.svg Litovio
Flago-de-Aŭstrio.svg Aŭstrio Flago-de-Makedonio.svg Makedonio
Flago-de-Azerbajĝano.svg Azerbajĝano Flago-de-Malto.svg Malto
Flago-de-Bosnio kaj Hercegovino.svg Bosnio kaj Hercegovino Flago-de-Moldavio.svg Moldavio
Flago-de-Bulgario.svg Bulgario Flago-de-Monako.svg Monako
Flago-de-Ĉeĥio.svg Ĉeĥio Flago-de-Pollando.svg Pollando
Flago-de-Estonio.svg Estonio Flago-de-Portugalio.svg Portugalio
Flago-de-Finlando.svg Finnlando Flago-de-Rumanio.svg Rumanio
Flago-de-Kartvelio.svg Kartvelio Flago-de-Rusio.svg Rusio
Flago-de-Germanio.svg Germanio Flago-de-San-Marino.svg San-Marino
Flago-de-Grekio.svg Grekio Flag of Serbia.svg Serbio
Flago-de-Hispanio.svg Hispanio Flago-de-Slovakio.svg Slovakio
Flago-de-Hungario.svg Hungario Flago-de-Slovenio.svg Slovenio
Flago-de-Islando.svg Islando Flago-de-Svisio.svg  Svislando
Flago-de-Kipro.svg Kipro Flago-de-Turkio.svg Turkio
Flago-de-Kroatio.svg Kroatio Flago-de-Ukrainio.svg Ukrainio

Eksteraj ligiloj[redakti | redakti fonton]

Vidu ankaŭ[redakti | redakti fonton]