Islama kalendaro

El Vikipedio, la libera enciklopedio
Saltu al: navigado, serĉo
Parto de serio

Islamo
Mosque02.svg
Historio de islamo

Kredo kaj praktikoj

Unueco de Dio
Konfeso de kredo
PreĝoFasto
PilgrimoAlmozoMoskeo

Ĉefaj personecoj

Mohamedo
AliAbu Bakr
Samtempuloj de Mohamedo
Membroj de hejmo de Mohamedo
Profetoj de islamo

Tekstoj kaj leĝoj

KoranoSunaoŜario
Legislativo
Biografioj de Mohamedo

Branĉoj de islamo

SunaistojŜijaistojSufismo
Vahabismo

Sociopolitikaj aspektoj

ArtoArkitekturo
UrbojKalendaro
SciencoFilozofio
Religiaj gvidantoj
Virinoj en islamo
Politika islamoĜihado
Liberalisma islamo

Vidu ankaŭ

Vortareto de islamaj nocioj
Listo de islamaj terminoj
Listo de signifaj moskeoj
Listo de artikoloj pri islamo

La Islama kalendaro estas pure luna kalendaro kun 12 lunaj monatoj. Sekve la jaroj enhavas malpli ol 365,2425 tagojn kaj ĉiu jaro komenciĝas iom pli frue (proksimume 11 tagoj) konsiderante sunan ciklon. La sama monato okazas en la sama sezono post 33 jaroj.

La komenca punkto de la erao de la islama kalendaro estas la Heĝiro, kiam Mohameto kaj la islamanoj devis forfuĝi de Mekao al Medino en la somero de 622 p.K.

En 638 p.K, Umar ibn al-Khattab (592-644) Raa enkondukis la kalendaron kiel rimedon por unuigi la variajn kalendarojn tiam en uzo ĉe la islamaj popoloj. La jaroj estas kalkulitaj de la tago, kiam Mohameto forlasis la urbon Mekao, je la 16-a de julio 622 p.K. La kalendaro estas ankaŭ nomita Heĝira Kalendaro ĉar la formigrado estas nomita Heĝiro. La unua tago de la unua monato (1 MuHarram) de la unua jaro (1 AH) estas tiu tago. Datoj en ĉi kalendaro estas kutime mallongigitaj per AH el la latinigita esprimo Anno Hegirae, "en la jaro de la Heĝiro". Jaroj antaŭ la Heĝiro estas skribitaj BH. Ne estas jaro Nulo.

Post Heĝira kalendaro havas du tipojn.

1- Luna post-heĝira, kiun uzas plej multaj arabaj kaj islamaj landoj, baziĝas sur la rondiro de la luno ĉirkaŭ la tero. Por ŝanĝi tian jaron en la kristanan uzu jenan formulon: y = x + 621,54 – 3x/100, en kio y = kristana jaro kaj x = luna post-heĝira jaro.

2- Suna post-heĝira jaro, kiun uzas irananoj kaj kelkaj aliaj landoj, baziĝas sur la cirklo de la tero ĉirkaŭ la suno. Ties formulo estas: z = x − 3 * x/100, en kio z = post-heĝira suna jaro kaj x = post-heĝira luna jaro, kondiĉe ke oni rezignu la decimalaĵojn post la x/100.

Kiam oni ne substrekas, ke la jaro esta suna aŭ luna, se temas pri malnovaj islamaj tekstoj, oni celas la lunan.

Nomo de la monatoj[redakti | redakti fonton]

  1. Muharram-ul-Haram (mallongigita al Muharram)محرم الحرام
  2. Safar صفر
  3. Rabi-ul-Aŭŭal ربيع الأول
  4. Rabi-us-Sani(aŭ Rabi-ul-Aĥir) ربيع الثاني
  5. Ĵumada-l-Ula جمادى الأولى
  6. Ĵumada-l-Aĥira (aŭ Ĵumada-s-Sanija) جمادى الآخرة
  7. Raĵab رجب
  8. Ŝaban شعبان
  9. Ramadan رمضان
  10. Ŝaŭŭal شوال
  11. Du-l-Kada ذو القعدة
  12. Du-l-Hiĵĵa ذو الحجة

Nomoj de la tagoj de la semajno[redakti | redakti fonton]

  • jaŭm al-ahad يوم الأحد (Dimanĉo)
  • jaŭm al-isnajn يوم الإثنين (Lundo)
  • jaŭm as-sulasa يوم الثُّلَاثاء (Mardo)
  • jaŭm al-arbia يوم الأَرْبعاء (Merkredo)
  • jaŭm al-ĥamis يوم خَمِيس (Ĵaŭdo)
  • jaŭm al-ĵuma يوم الجُمْعَة (Vendredo)
  • jaŭm as-sabt يوم السَّبْت (Sabato)

La jaroj 1421 kaj 1422 de la Islama Kalendaro korespondas kun la Gregori-kalendara jaro 2001. La 1-a de Januaro 2001 estas la tago 6 Shawwal de 1421 AH. 1 MuHarram 1422 AH estas la 26-a de Marto 2001.

Eksteraj ligiloj[redakti | redakti fonton]

Vidu ankaŭ[redakti | redakti fonton]