Jacques Brel
| Jacques Brel | |
|---|---|
 |
|
| Naskiĝo | 8-a de aprilo 1929 en Schaerbeek, Belgio |
| Morto | 9-a de oktobro 1978 en Bobigny Francio |
| Portalo pri Homoj | |
Jacques BREL [ĵak brel] (naskiĝis la 8-an de aprilo 1929 en Schaarbeek, Belgio, mortis la 9-an de oktobro 1978) estis belga kanzonisto, komponisto kaj franclingva kantisto.
La studoj ne tro interesis lin krom la kursoj pri franca lingvo. Li aktoris en etaj teatr-aktoj en la trupo "Franche Cordée", fine lia patro ekprenis lin en la kartonfabriko. Ĝia laboro ne tro plaĉis al li, sed ĝia familia industria fabriko ebligis al li ne partopreni en la dua mondmilito.
La 1-an de junio 1950 li edzinigis Thérèse Michielsen, aŭ «Miche» [miŝ]. La 6-an de decembro 1951 naskiĝis ilia unua filino, Chantal, sekvita de France la 12-an de julio 1953; fine, Isabelle en aŭgusto 1958 al kiu estis dediĉita samnoma kanto.
Liaj kanzonoj, emociigaj aŭ acerbe ironiaj, ĉiam plenaj de propra al li forto, akreco, malglateco, ĉiam kortuŝis la aŭskultantojn.
Li ekkomponis en jaro 1952 kaj ekkonis famecon en jaro 1958. En 1966 li decidis forlasi la kantadon.
La 16-an de majo 1967 li lastfoje kantis en Roubaix, Francio.
Sed li ne restis sen fari ion ajn: dum la somero de 1967, li preparis sian unuan filmon, Les risques du métier (La riskoj de la metio) de la reĝisoro André Cayatte. Ĝi estis sukceco. Poste li komencis vojaĝi ŝipe.
En 1968 en Bruselo li kreis la francan version de L'homme de la Mancha (La homo de la Mancha), interpretante la ĉefan rolon de Don Quijote apud Dario Moreno en la rolo de Sanĉo Panzo.
En 1974 li forlasis ĉiujn por vojaĝi ŝipe kun Maddly Bamy, kiun li renkontis dum la produktado de la filmo L'Aventure c'est l'aventure de Claude Lelouch. Sed li estis jam ege malsana kaj havis nur unu pulmon. Li decidis retiriĝi en la insulo Marquises. Li iĝis privata piloto en la 28-a de junio 1965 (breveto TT 16060) kaj uzanto de dua motoraviadilo Beechcraft Twin-Bonanza aĉetita de Maddly Bamy la 30-an de novembro 1976. Li laboretis kiel aviadila taksiisto inter la insulo kaj Tahitio.
Li mortis en Bobigny apud Parizo la 9-an de oktobro 1978 pro pulmkancero. Jacques Brel ripozas nun en la tombejo de Atuona en Hiva Oa en la insularo Marquises, proksime de Paul Gauguin.
En la jaro 2005 Brel estis nomumita "la plej fama belgo" fare de la spektantoj de la valona televido.
Enhavo |
[redakti] Diskoj
- 1953 : unua disko farita en Bruselo : La Foire / Il y a
- 1954 : unua albumo: Jacques Brel et ses chansons
- 1957 : Quand on n'a que l'amour, Heureux Pardons,…
- 1958 : Je ne sais pas, Au printemps,…
- 1958 : Disko por la magazino Marie-Claire kun L'Introduction à la Nativité kaj L'Évangile selon Saint-Luc
- 1959 : La Valse à mille temps, Ne me quitte pas, Je t'aime, Isabelle, La Mort,…
- 1961 : Marieke, Le Moribond,…
- 1962 : Olympia 1961
- 1963 : Les Bigotes, Les Vieux, La Fanette,…
- 1964 : Jef, Les Bonbons, Mathilde, Amsterdam…
- 1964 : Olympia 1964
- 1965 : Ces gens-là, Fernand,…
- 1967 : 67 comprenant Mon enfance, À jeun,…
- 1968 : Vesoul, L'Éclusier,…
- 1970 : L'Homme de la Mancha
- 1972 : Nova registro de malnovaj kantoj
- 1977 : Les Marquises
[redakti] Kelkaj el inter liaj plej sukcesaj kanzonoj:
- 1957 : kiam nur amon oni havas
- himno al Stulteco
- 1959 : la miltaktera valso
- ne forlasu min!
- la simioj de mia kvartalo
- 1962 : la burĝoj
- la plata lando kiu estas la mia
- mi atendas je Madeleine
- mi alportis al vi bonbonojn
[redakti] Filmaro
- 1956: La grande peur de Monsieur Clément - kurtfilmo - de Paul Dichens
- 1960: Le panier à crabes de Joseph Lisbona - (nur la muziko)
- 1960: Le petit jour - kurtfilmo - de Jacques Pierre - (nur la kanzonoj)
- 1963: Un roi sans divertissement de François Leterrier - (nur kun-muzikisto kun Maurice Jarre)
- 1967: Les Risques du métier de André Cayatte
- 1968: Un idiot à Paris de Serge Korber - (nur la kanzonoj)
- 1968: La Bande à Bonnot de Philippe Fourastié
- 1969: Mon oncle Benjamin de Édouard Molinaro
- 1969: Tintin et le temple du soleil - animita filmo - de Raymond Leblanc - (nur la kanzonoj)
- 1970: Mont-Dragon de Jean Valère
- 1971: Les Assassins de l'ordre de Marcel Carné
- 1971: Franz (reĝisorado)
- 1972: L'aventure c'est l'aventure de Claude Lelouch
- 1972: Le Bar de la fourche de Alain Levent
- 1973: Le Far West (reĝisorado)
- 1973: L'Emmerdeur de Édouard Molinaro
- 1974: Jacques Brel est toujours vivant et il vit heureux à Paris de Denis Héroux (dokumenta filmo): Li mem (ankaŭ kun-scenaristo)
