Lisse

ISO

Municipo Lisse
Flago de la municipo Lisse	Blazono de municipo Lisse
nederlanda municipo • vilaĝo • loĝloko en Nederlando
Provinco	Sud-Holando
Urbestro	Lies Spruit
Ĉefloko	Lisse
Areo  - Tero  - Akvo	16,11 km² 15.70 km² 0,41 km²
Loĝantaro  - Loĝdenso	21.800 (1-a de julio 2006) 1389 loĝ./km²
Geografia situo	52° 15′ N, 4° 33′ O (mapo)52.254.55
Lisse (Nederlando) DEC Lisse
Gravaj trafikaj arterioj	naciaj ŝoseoj N208 kaj N207
CBS-municipokodo	0553
Poŝtkodo	2160–2163
Oficiala retejo	https://www.lisse.nl/

Lisse estas municipo en la nederlanda provinco Zuid-Holland. La municipo havis (je la 1-a de julio 2006) 21 909 loĝantojn kaj havas areon de 16,07 km².

Situo kaj ekonomio

Lisse situas duonvoje inter Leiden kaj Haarlem (distance poe ĉirkaŭ 12 km). La plej proksima fervoja stacidomo situas en distanco de 4 kilometroj en Sassenheim (ligite al la fervoja linio Schiphol - Leiden - Hago). La vilaĝo situas oriente de la dunoj bordaj de la Norda Maro je malpli ol 10 kilometroj de la marbordo.

La ĉefa ekonomia branĉo en Lisse estas florplantado kaj kultivo de floraj bulboj. La sabla, kalkoŝtona grundo, nederlande nomata "geestgrond", aparte taŭgas tiucele. La esplora kaj eduka cento PPO en Lisse, branĉo de la universitato de Wageningen, aparte ekzamenas la karakterizaĵojn kaj la kultivon de dekoraj plantoj kreskantaj el bulboj.

Okcidente de la komunuma centro situas la eksa nobela bieno Keukenhof, pejzaĝa parko, kiu meze de la 20-a jarcento transformiĝis al impresa printempa florparko interalie de grandega nombro da tulipoj, narcisoj kaj hiacintoj.

Eksteraj ligiloj

• retejo de la municipo (nl)
• retejo de la ĝardena parko Keukenhof (nl, de, en, fr)
• retejo de la turisma asocio Lisse (VVV)
• retejo de la esplora centro PPO (en, nl)
• retejo de la florparado Bollenstreek

Lisse