Matt GL

El Vikipedio, la libera enciklopedio
Saltu al: navigado, serĉo
Matt
Blazono de Matt
Akvarelo Sernfvalo de Hans C. Escher von der Linth
Kantono Glaruso
Komunumo(j) Glaruso Sudo
Koordinatoj  46°57′51″N 9°10′16″E  /  46.96417°N, 9.17111°O / 46.96417; 9.17111 (Matt GL)
Nombro de enloĝantoj 377
Areo 41,27 km²
Alteco 831 m super marnivelo
Poŝtkodo 8766
Mapo de Matt
v  d  r
Information icon.svg

Pri la komunumo[redakti | redakti fonton]

Matt estis ĝis la 31-a de decembro 2010 politika komunumo en Kantono Glaruso, en Centra Svislando. Ĝi havis 377 loĝantojn je la 31-a de decembro 2008. Kun efiko de la 1-a de januaro 2011 la komunumo Matt estis integrita al la nova komunumo Glaruso Sudo.

Geografio[redakti | redakti fonton]

Matt situas en la supra valo de la rivero Sernf, flanka rivero de Linth. Al la iama komunumo apartenas krom la ĉefvilaĝo mem la setlejoj Auen, Brumbach, Stalden kaj Weissenberge.

Najbaraj komunumoj ĝis la komunuma reformo[redakti | redakti fonton]

La komunumo Matt limis en nordo al Engi, en nordoriento al Flums (SG), en oriento al Mels (SG), en sudo al Elm, kaj en okcidento al Schwanden.

Trafiko[redakti | redakti fonton]

Ĝis en la jaro 1969 inter Schwanden kaj Elm ekzistis la tiel nomita Sernfvalo-Fervojo, kiu tiam estis anstataŭigita per aŭtobuslinio. Per tiu buslinio Matt estas hodiaŭ konektita al la publika transportreto. De Matt aertelfero kondukas al la tutjare loĝata montara setlejo Weissenberge.

Monda naturheredaĵo[redakti | redakti fonton]

Matt apartenas al la Svisa Tektonika Areno Sardona, regiono kiu estis la 7-an de julio 2008 akceptita kiel Monda Naturheredaĵo de UNESKO.

Monda heredaĵo de UNESKO


Historio[redakti | redakti fonton]

La unua dokumenta mencio de Matt datiĝas el la jaro 1273 kiel Mattun.[1]

Kun efiko de la 1-a de januaro 2011 la komunumoj Betschwanden, Braunwald, Elm, Engi, Haslen, Linthal, Luchsingen, Matt, Mitlödi, Rüti, Schwanden, Schwändi, kaj Sool estis surbaze de la glarusa komunumreformo kunigitaj al la nova komunumo Glaruso Sudo.

Vidu ankaŭ[redakti | redakti fonton]

  • Aliaj lokoj kun la nomo Matt

Notoj kaj referencoj[redakti | redakti fonton]

  1. Fonto: Matt en la Historia Leksikono de Svislando

Eksteraj Ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso Matt