Pitasch

Pitasch
	Blazono de Pitasch
	Pitasch
former municipality of Switzerland • vilaĝo
Kantono	Grizono
Distrikto	Surselva
Komunumaro	Ilanz
Koordinatoj	46° 43′ 48″ N 9° 13′ 12″ O / 46.73000 °N, 9.22000 °O (mapo)Koordinatoj: 46° 43′ 48″ N 9° 13′ 12″ O / 46.73000 °N, 9.22000 °O (mapo)
Nombro de loĝantoj	107
Areo	10,79 km²
Alteco	1060 m super marnivelo
Poŝtkodo	7111
Komunumkodo	3578
	Mapo de Pitasch

Pri la komunumo[redakti | redakti fonton]

Pitasch (prononcu pitaŝ) estas komunumo de la komunumaro Ilanz kaj la distrikto Surselva en Kantono Grizono, Svislando. Ĝi havis 107 loĝantojn je la 31-a de decembro 2009.

Geografio[redakti | redakti fonton]

La komunumo Pitasch situas sudoriente de la rivero Glogn (en germana lingvo Glenner), suda alfluanto de la Antaŭa Rejno. La kernvilaĝo situas sur teraso inter la valoj Val Renastga kaj Val da Pitasch. Krom la vilaĝo Pitasch mem la la komunumo apartenas la setlejoj Mulin da Pitasch, Matsch, Plauns, Cabiena, Runca kaj Scuntras.

Najbaraj komunumoj[redakti | redakti fonton]

La komunumo Pitasch limas en nordo al Sevgein, en nordoriento al Riein, en oriento al Safien, en sudo kaj sudokcidento al Duvin, kaj en nordokcidento al Cumbel.

Lingvoj[redakti | redakti fonton]

La loĝantaro de Pitasch estas ĉefe romanĉlingva. Oni parolas en Pitasch la sursilvanan dialekton.

Trafiko[redakti | redakti fonton]

Pitasch situas flanke de la gravaj trafikvojoj. Tra Moulin da Pitasch, kiu situas ĉe la bordo de Glogn kondukas la kantona vojo de Valzo al Ilanz, sur kiu cirkulas poŝtaŭtolinio. Flanka poŝtaŭtolinio kondukas de Moulin da Pitasch supren al la terso, kie situas la vilaĝo Pitasch.

Historio[redakti | redakti fonton]

La unua dokumenta mencio de Pitasch datiĝas el la unua duono de la 9-a jarcento nome el la karolinga urbaro de la jaro 831 kiel Pictavi. En la jaro 960 parto de la rajtoj pri la preĝejo de Pitasch estis transdonitaj al la episkopo de Koiro. En la jaro 1526 Pitasch aliĝis al la reformacio. ^[1] ^[2]