Sumvitg

El Vikipedio, la libera enciklopedio
Saltu al: navigado, serĉo
Sumvitg
Blazono de Sumvitg
Sumvitg
Kantono Grizono
Distrikto Surselva
Komunumaro Cadi/Disentis
Koordinatoj  46°43′48″N 8°56′0″O  /  46.73°N, 8.93333°O / 46.73; 8.93333 (Sumvitg)Koordinatoj: 46°43′48″N 8°56′0″O  /  46.73°N, 8.93333°O / 46.73; 8.93333 (Sumvitg)
Nombro de enloĝantoj 1310
Areo 101.88 km²
Alteco 1056 m super marnivelo
Poŝtkodo 7175
Komunumkodo 3985
Mapo de Sumvitg

Pri la komunumo[redakti | redakti fonton]

Sumvitg (malnova germanlingva nomo Somvix) estas komunumo de la komunumaro Cadi/Disentis kaj la distrikto Surselva en Kantono Grizono, Svislando. Ĝi havis 1310 loĝantojn je la 31-a de decembro 2009.

Geografio[redakti | redakti fonton]

La komunummo Sumvitg situas ĉe ambaŭ flankoj de la Antaŭa Rejno. En nordo la komunumo etendiĝas ĝis al la kresto de la Glarusaj Alpoj, kie sur la kulmino de Tödi (en romanĉa lingvo Piz Russein) sur alteco de 3614 m s.m. situas la plej alta punkto de la komunumo. En nordo de la komunumo situas la Punteglias-Glaĉero kaj Biferten-Glaĉero. En sudo la komunuma tetoritorio atingas preskaŭ la limon al Kantono Tiĉino. Al la komunumo apartenas krom la vilaĝo Sumvitg la vilaĝoj Surrein, Rabius kaj Cumpadials, krome la setlejoj Clavadi, Tuor, Giachentrina, Plazzas, Encarden, Murtes, Pardomat, Laus, Clavadials, Reits, Tschuppina, Sogn Benedetg, kaj diversaj alpopaŝtejoj.

Najbaraj komunumoj[redakti | redakti fonton]

La komunumo Sumvitg limas en nordo al la iama komunumo Linthal, kiu ek de 2011 apartenas al la komunumo Glaruso Sudo (GL), en oriento al Trun, en orientsudoriento al Obersaxen, en sudoriento al Lumbrein, en sudo al Vrin, en sudokcidento al Medel (Lukomagno), kaj en okcidento kaj nordokcidento al Disentis/Mustér.

Lingvoj[redakti | redakti fonton]

La oficiala kaj ĉefe parolata lingvo en Sumvitg estas la romanĉa. Laŭ la popolnombrado de 2000 parolis 88% de la loĝantaro la romanĉan kaj 10% la germanan lingvon.

Trafiko[redakti | redakti fonton]

Tra la komunumo pasas la kantona ĉefvojo n-ro 19 de Ilanz tra Disentis al Oberalppasejo, kaj paralele al ĝi linio de Retia Fervojo, ĉe kiu sur la komunuma teritorio troviĝas la haltejoj Rabius-Surrein kaj Sumvitg-Cumpadials.

Historio[redakti | redakti fonton]

La unua dokumenta mencio de Sumvitg datiĝas el la jaro 1175 kiel in Summovico. En la 13-a jarcento en Sumvitg estis dokumentita kavalira dinastio de Somvix. Dum mezepoko Sumvitg apartenis al la Senjorujo de la Abatejo Disentis. [1]

Notoj kaj referencoj[redakti | redakti fonton]

  1. Fonto: Adolf Collenberg: Sumvitg en Historia Leksikono de Svislando (2008-03-17)

Eksteraj ligiloj[redakti | redakti fonton]