Nordokcidenta korvo

Nordokcidenta korvo
Nordokcidenta korvo
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Korvedoj Corvidae Genro: Corvus Specio: C. caurinus
Dunomo
Corvus caurinus (Baird, 1858)
Konserva statuso
Konserva statuso: Malplej zorgiga

La Nordokcidenta korvo (Corvus caurinus) estas birdospecio de la familio de korvedoj kaj el ĝia tipa genro Corvus ene de la ordo de paserinoj kiu estas indiĝena de la nordokcidento de Nordameriko.

Aspekto

Ĝi estas tutnigra birdo tre simila al la plej okcidentaj formoj de la disvastigata Larĝbeka korvo (Corvus brachyrhynchos) sed ĝi estas iomete pli malgranda (33-41 cm longa) kaj havas proporcie pli malgrandajn piedojn kun iom pli svelta beko. La alvokoj estas signife diferencigaj kaj ofte utilas por identigi ilin.

Distribuado kaj habitato

Tiu nordamerika specio loĝas, kiel la nomo sugestas, el la nordokcidentaj marbordaj regionoj kaj insuloj de suda Alasko, suden tra Brita Kolumbio kaj Vaŝingtonio. La ĉefaj manĝareoj estas strandoj kaj marbordoj. Ili povas esti vidataj en kaj ĉirkaŭ urbaj areoj.

Kutimaro

Dieto

Tre simila al tiu de la Fiŝkorvo; la Nordokcidenta korvo manĝas surstranditajn fiŝojn, mariskojn, krabojn kaj mitulojn, kaj ankaŭ plukas en rubujoj. Ili estis vidataj flugante forlasi mitulojn sur malmolajn surfacojn por rompi kaj malfermi ilin. Ili regule ankaŭ maĝas insektojn, aliajn senvertebrulojn kaj variajn fruktojn (ĉefe berojn). Ili rabas nestojn de aliaj birdoj por manĝi ovojn kaj birdidojn. Oni scias ke ili trempas pecojn de pano en akvo.

Predantoj

Nekompleta listo inkludas katojn, lavursojn, rabobirdojn kaj la Komuna korako. Tiu korvoj ofte ariĝas en grandaj grupoj por ĉikani tiujn predantojn.

Nestumado

Ĝenerale soleca, sed foje oni konstruas neston asocie kun aliaj individuoj en etaj, izolitaj kolonioj en arboj aŭ foje en grandaj arbustoj. Tre rare, ili nestumas en klifoj en kornico aŭ eĉ surgrunde en malproksima areo protekte de roko. Temas pri tipa korvonesto kun 4-5 ovoj.

Voĉo

La voĉo estas tre varia, kaj ili faras multajn tipojn de alvokoj, sed la plej komuna estas kutime priskribita kiel altatona "kaŭ" kaj la sono de korko elirante el botelo. Dumfluge ili faras ian "ŭok-ŭok-ŭok" se oni malfruas malantaŭ la grupo, kaj ankaŭ oni aŭdas variajn klakojn kaj mekanikajn sonojn tintilajn.

Referencoj

• BirdLife International (2004). Corvus caurinus. 2006 Ruĝa listo de minacataj specioj de IUCN. IUCN 2006. Elŝutita je 9a Majo 2006. Malplej zorgiga

Eksteraj ligoj

Bildoligoj

• Piedirante surgrunde
• Ripoze sur rail
• Urba birdo piedirante sur pavimo
• Kranio de Nordokcidenta korvo
• Fotaro de Nordokcidenta korvo

Sonligoj

• Alvoko de Nordokcidenta korvo (du birdoj)

Filmoligoj

• Filmoj de Corvus caurinus ĉe Interreta Birdokolekto

Bildaro

• Northwestern Crows feeding on lawn.jpg

  Nordokcidentaj korvoj manĝante arakidojn dise surherbe. Notu makulan aspekton pro plumoŝanĝado. For de tiu epoko, la plumaro estas unukolora kaj brilnigra.

• DSCF1080.JPG

  Nordokcidentaj korvoj surneĝe montrante tipan plumaron.

• Crows feeding.JPG

  Nordokcidentaj korvoj manĝante panerojn.

• DSCF1225.JPG

  Indikilo dum la reprodukta sezono de Nordokcidenta korvo en Sidney, British Columbia.

• DSCF1226.JPG

  Nordokcidenta korvo en herboĝardeno de la urbodomo de Sidney.

• DSCF1240.JPG

  Nordokcidenta korvo kun donacita manĝaĵo.

• 

  Manĝinta Nordokcidenta korvo atendas plie.

• Crowjune10g.jpg

  Ido de Nokc korvo falita el arbo. Li foriros poste.