Sigrid Undset
| Sigrid Undset | |||||
|---|---|---|---|---|---|
Nobel-premiito 
| |||||
| |||||
| Persona informo | |||||
| Sigrid Undset | |||||
| Naskiĝo | 20-an de majo 1882 en Kalundborg,  Danio
| ||||
| Morto | 10-an de junio 1949 (67-jaraĝa) en Lillehammer,  Norvegio
| ||||
| Tombo | Mesnali Churchyard (en)   vd
| ||||
| Religio | katolikismo vd | ||||
| Lingvoj | norvega vd | ||||
| Ŝtataneco | Norvegio vd
| ||||
| Alma mater | Fru Ragna Nielsens skole (en) vd
| ||||
| Familio | |||||
| Patro | Ingvald Undset vd
| ||||
| Patrino | Charlotte Undset (en) vd
| ||||
| Edz(in)o | Anders Svarstad (mul) (1912–1927) vd
| ||||
| Profesio | |||||
| Okupo | romanisto scenaristo prozisto verkisto tradukisto poeto vd
| ||||
| Laborkampo | Hagiografio vd
| ||||
| Aktiva en | Nov-Jorko vd | ||||
| Aktiva dum | 1907–1949 vd | ||||
| Verkado | |||||
| Verkoj | Kristin Lavransdatter ❦ Jenny ❦ The Master of Hestviken vd | ||||
| |||||
| |||||
| vd | Fonto: Vikidatumoj | ||||
Sigrid UNDSET (naskiĝis la 20-an de majo 1882, mortis la 10-an de junio 1949) estis norvega verkistino.
Biografio
[redakti | redakti fonton]Filino de danino kaj norvega arkeologo, Sigrid naskiĝis en Kalundborg, Danio kaj pasigis sian junaĝon ĉefe en Kristiania (nuntempe: Oslo). Post la frua morto de la patro, la familio ekhavis gravajn financajn problemojn, kaj Sigrid Undset anstataŭ studi en universitato devis gajni monon en oficejo. Jam frue ŝi komencis verki ĉefe pri la problemoj de la virinaro siatempa, tamen kun distanco al la vekiĝanta feminismo. Poste, la verkistino dediĉis sin ankaŭ al historiaj temoj. Ŝia romantrilogio Kristin Lavransdatter, kiu internacinivele estas rigardata ŝia plej fama verko, temas pri la vivo en la mezepoko, sed pritraktas universalajn homajn temojn.
En la jaro 1924 Sigrid Undset, kiu tiutempe jam estis patrino de tri gefiloj, fariĝis katolikino - ne tre populara decido en la protestantisma Norvegio. Kulmino de ŝia kariero estis la gajno de la Nobel-premio pri literaturo en la jaro 1928 "ĉefe pro sia brila priskribo pri skandinava vivo en la mezepoko".
Pro sia kontraŭfaŝisma sinteno Sigrid Undset en la jaro 1940, kiam la nazioj okupis Norvegion, devis forlasi sian patrujon. Kune kun sia plej juna filo ŝi elmigris unue al Svedio kaj poste al Usono - du el ŝiaj gefiloj tiutempe jam estis mortintaj. Post la milito (1945) ŝi revenis al Norvegio, por pasigi la reston de sia vivo retirite. Ŝi mortis en Lillehammer.
Listo de verkoj
[redakti | redakti fonton]- Jenny (romano, 1911)
- Et kvindesynspunkt (eseoj, 1919)
- Kristin Lavransdatter (romantrilogio, 1920-22)
- Olav Audunssøn (romano, 2 partoj, 1925, 1927)
- Gymnadenia (romano, 1929)
- Den brændende busk (romano, 1930)
- Madame Dorthea (romano, 1939)
Vidu ankaŭ
[redakti | redakti fonton]
Eksteraj ligiloj
[redakti | redakti fonton]- http://www.nobel.se/literature/laureates/1928 Arkivigite je 2001-12-17 per la retarkivo Wayback Machine
- http://www.undset.no/susenglish2.html Arkivigite je 2002-08-10 per la retarkivo Wayback Machine
- http://nobelprize.org/literature/laureates/1928/undset-autobio.html Arkivigite je 2008-07-05 per la retarkivo Wayback Machine
- http://www.kirjasto.sci.fi/undset.htm
| ||||||