Józef Stós
Józef Stós | |
---|---|
Persona informo | |
Naskiĝo | 15-an de marto 1921 en Okocim |
Morto | 14-an de junio 2016 (95-jaraĝa) |
Lingvoj | pola |
Ŝtataneco | Pollando ![]() |
Okupo | |
Okupo | arkitekto ![]() |
Józef Stanisław Stós (naskiĝis la 15-an de marto 1921 en Okocim, apud Brzesko, mortis la 14-an de junio 2016 en Krakovo) – pola arkitekto, socia aganto, malliberulo de koncentrejoj.
Vivo
[redakti | redakti fonton]Dum la intermilita periodo estis skolto kaj dum la germana invado en Pollandon septembre 1939 servis kiel volontulo en Armea Helpo-Servo. Prenita al soveta mallibero sukcesis fuĝi. Post reveno al sia gepatrujo la 3-an de majo 1940 estis arestita de germanoj kaj malliberigita en malliberejo de Tarnów kiel potenciala soveta spiono. La 14-an de junio 1940 deportita en la unua amasa transporto de politikaj malliberuloj al koncentrejo Aŭŝvico (koncentreja numero 752). Li ankaŭ estis malliberulo de koncentrejoj Sachsenhausen kaj Buchenwald. Dum evakuo de malliberuloj gvidis fuĝon de ĉ. 50 personoj. Post la dua mondmilito kiel arkitekto laboris en diversaj oficejoj pri projekt-administrado. Kunkreinto de Kristana Asocio de Oświęcim-Familioj kaj de Polska Unia Seniorów. Forpasis dum la Nacia Memor-Tago pri Viktimoj de Germanaj Naziaj Koncentrejoj kaj Ekstermejoj. Antaŭ la morto estis unu el la lastaj 7 malliberuloj de la unua transporto de 728 poloj al Aŭŝvico, kiuj surloke eksciis, ke ili venis ne al sanatorio, sed al la koncentrejo, de kie oni foriras pere de kamentubo, ke judoj vivos ĉi tie ne pli longe ol du semajnojn, pastroj unu monaton, kaj la resto - tri monatojn (travivis ĉ. 200). Ili estis atestantoj de industria murdo - genocido, organizita de la germana ŝtato en okupata Pollando.
Distingoj
[redakti | redakti fonton]Komandora kruco de la Ordeno Polonia Restituta (2000)
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Zmarł w rocznicę pierwszego transportu Polaków do Auschwitz Mortis dum datreveno de la unua amasa forveturigo de poloj al Aŭŝvivo