Cho Sung Ho
| Cho Sung Ho | |
|---|---|
| |
| Persona informo | |
| Naskiĝo | 12-an de januaro 1956 (68-jaraĝa) en Teguo |
| Lingvoj | korea • angla • japana • Esperanto |
| Ŝtataneco | Sud-Koreio |
| Alma mater | Yongsan High School • Seula Nacia Universitato • Universitato de Teksaso en Aŭstino |
| Okupo | |
| Okupo | profesoro • verkisto |
Cho Sung Ho (koree 조성호; Cho estas la familia nomo) esperantistiĝis en 1973 kaj aktivis en la movado, interalie kiel ĉefredaktoro de gazeto La Espero el Koreujo kaj vicprezidanto de Korea Esperanto-Asocio.
Landa agado[redakti | redakti fonton]
Aktivis en la enlanda movado kadre de Korea Esperanto-Asocio.
- Redaktoro (1979-1981) kaj ĉefredaktoro (1983) de La Espero el Koreujo.
- Estrarano pri edukado (1991-1999)
- Prezidanto de Incheon-Filio (1993-1997)
- Membro de LKK de la 79-a Universala Kongreso (1994)
- Membro de Lingva Komitato (1998-2020)
- Vicprezidanto (1999-2007)
- Membro de Konsilantaro (2008-Nun)
Ricevis la Premion por Elstara Agado de KEA (2000) kaj la Premion Hajpin (2007).
Internacia agado[redakti | redakti fonton]
- Landa delegito de TEJO, ISAE (1997-2003) kaj ILEI (2002-2005).
- Delegito, fakdelegito kaj dumviva membro de Universala Esperanto-Asocio, kaj subtenanto de TEJO dum pluraj jaroj.
- Ricevis la Premion Grabowski de Universala Esperanto-Asocio (2000).
- Partoprenis en la reviziado de la Plena Ilustrita Vortaro (2002, 2005, 2020) pri la fakoj de Biologio kaj Fiziologio kaj de Botaniko.
- Korespondanto de Monato (2021-Nun).
- Verkis artikolojn por Kontakto (TEJO), Beletra Almanako, Revuo Esperanto (UEA), Reta Revuo (UEA), La Movado (KLEG), La Revuo Orienta (JEI), Esperanto sub la Suda Kruco (AEA-NZEA), Usona Esperantisto (ELNA), La Migranto (TANEF) kaj La Lanterno Azia (KEA).
Edukado kaj profesio[redakti | redakti fonton]
- Diplomitiĝis pri biologio (BS) ĉe Seula Nacia Universitato (1973-1977).
- Magistriĝis pri biologio (MS) ĉe Seula Nacia Universitato (1977-1979).
- Doktoriĝa kurso ĉe Nord-Karolina Ŝtata Universitato, Raleigh, Norda Karolino, Usono (1981-1982).
- Doktoriĝis pri biokemio (PhD) ĉe la Universitato de Teksaso en Austin, Austin, Teksaso, Usono (1983-1987).
- Esploristo ĉe la Nacia Centro por Esplorado pri Agrikultura Utiligado, Peoria, Ilinojso, Usono (1988-1990).
- Profesoro pri molekula biologio kaj biokemio ĉe Inha Universitato , Koreujo (1991-2015).
- Verkis dekojn da fakaj publikaĵoj en la angla.
Verkoj en Esperanto[redakti | redakti fonton]
- Ĉunhjang: Koreaj Rakontoj (traduko, 1975)
- Elementa Kurslibro de Esperanto (1980, kaj pluraj eldonoj)
- La Bildstria Gvido al Genetiko (traduko, 1996)
- Koreaj Malnovaj Rakontoj (traduko, 1997)
- Korea Antologio de Noveloj (kompilo kaj traduko de kvin noveloj, 1999 kaj 2017)
- Bunsun kaj Aiko: Rememore al mia unua amo (originala rakonto, 2020) (Jutuba recenzo)
- Monate kaj Kontakte (kolekto de artikoloj, 2023)