Ĝermolisto de norvegaj esperantistoj

Ĉi tiu paĝo listigas ĝermajn informojn pri norvegaj esperantistoj. Movu mallongajn informojn pri norvegaj esperantistoj en tiun ĉi paĝon metante alidirektilon.
Se vi volus partigi informon en apartan artikolon, aldonu informojn tiel ke minimume estu tri plenaj frazoj, prefere pli, nepre estu ĝustaj kategorioj, almenaŭ kategorio:norvegaj esperantistoj, kaj laŭeble ankaŭ uziĝu la ŝablonoj {{Informkesto homo}} kaj {{vivtempo}}. Post kreo de aparta artikolo forigu la informon de ĉi tie.
Ekzistas pli plena listo de norvegaj esperantistoj, en kiu listiĝu la nomoj de norvegaj esperantistoj aŭ menciataj ĉi tie aŭ per propra biografia artikolo.

Enhavo:

A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z

A

Agnete Anjer

Agnete ANJER (1915 - mortis la 31-an de januaro 2005 en Oslo) estis dumviva membro de UEA, ŝi ne akceptis oficialajn funkciojn en la movado, sed en la aktivado de sia edzo Ludvig Anjer, estro de la Informa Fako de Norvega Esperantista Ligo, ŝi partoprenis "malantaŭ la kulisoj".

B

Sigmund Blikshavn

Sigmund BLIKSHAVN (1915-1994), fakdelegito pri mekaniko dum pli ol 20 jaroj, mortis la 31-an de decembro en Haugesund (Norvegio).

Anne Karin Bondhus

Anne Karin BONDHUS (1967/1968-2019), dum dudek jaroj funkciis kiel kasisto de Norvega Esperantista Ligo, ĝis ŝi en junio 2019 forpasis en aĝo de nur 51 jaroj. La funebra ceremonio okazis en la urbeto Bryne proksime de la lago Frøylandsvatnet en la provinco Rogaland.

anonco pri la forpaso de Anne Karin Bondhus en junio 2019 en esperanto.no

C

Thor Magnus Carlsen

Thor Magnus CARLSEN (naskiĝis en 1927; mortis la 21-an de majo 1994) estis norvega esperantisto, delegito de UEA en Oslo kaj prezidanto de la loka klubo (1980-1992).

Signe Christophersen

Signe CHRISTOPHERSEN estas norvega esperantistino. De 2005 ĝis 2007 ŝi estis prezidanto de Norvega Junularo Esperantista.

D

Douglas Draper

Douglas DRAPER (naskiĝis la 4-an de oktobro 1938) estas norvegiĝinta esperantisto loĝanta ekde 1962 en Oslo. Li estas redaktoro de la membrogazeto Norvega Esperantisto kaj sekretario de la loka E-klubo.

H

Aleksander Helgaker

Aleksander HELGAKER (naskiĝis en 1988) estas norvega esperantisto. De 2005 ĝis 2007 li estis estrarano de Norvega Junularo Esperantista.

K

Torstein Kvakland

Torstein KVAKLAND (naskiĝis la 12-an de februaro 1955) estas norvega esperantisto, prezidinto de Norvega Esperantista Ligo.

Vigdis Kvalvaag

Vigdis KVALVAAG (1929-1996), dumviva membro, mortis la 15-an de decembro en Stavanger (Norvegio), kie ŝi estis pli ol 40 jarojn vicdelegito, poste delegito. Ŝi kunfondis en 1948 la lokan E-klubon kaj estis ties sekretario dum ĝia 20-jara ekzisto.

Odd Kolbrek

Odd KOLBREK (1916-2002) estis plurjara kasisto de la Norvega Esperantista Fervojista Asocio (NEFA), mortis la 2-an de novembro en Oslo.

Per Johan Krogstie

Per Johan KROGSTIE [krOgsti] (naskiĝis la 15-an de septembro 1929, mortis la 4-an de novembro 2009) estis norvega esperantisto kaj prezidanto de la Norvega Esperantista Ligo.

L

Marianne Lund

Marianne LUND - aparte aktiva en la 1980-aj kaj 1990-aj jaroj en TEJO kaj Norvega Junularo Esperantista - estas norvega esperantistino kaj tradukistino. Ŝi studis slavistikon en la Universitato de Tromsø kaj nun laboras kiel publika oficisto en la administrejo de la urbo. En 1988 ŝi kun la francoj Jean-Marc Verger kaj Jorgos organizis sesmonatan biciklan rondvojaĝon ĉirkaŭ Eŭropo pro la 40-jariĝo de Hom-Rajta Deklaracio: Grupo de laŭ etapo inter 4 kaj maksimume 13 biciklantoj averaĝe biciklis 80 kilometrojn tage.

profilo en la retejo linkedin.com^{[rompita ligilo]}

M

John Moe

John MOE (1918 - mortis la 20-an de oktobro 1989 en Oslo, Norvegio) estis UEA-fakdelegito pri fervojoj.

Stefan Murak

Stefan MURAK ( naskiĝis en 1914 - mortis 2001 en Nesbru, Norvegio) estis dumviva membro, kiu kelktempe deĵoris en la Centra Oficejo. En 1970 li diplomiĝis ĉe la Universitato de Oslo per disertaĵo Esperanto-lingva.

O

Kjell Offerdal

Kjell OFFERDAL (naskiĝis 1915 - mortis en aprilo 1978) estis fakdelegito de UEA en Bergen, Norvegio, 45 jarojn aktiva en la landa Esperanto-movado.

S

Kai Salve Salvesen

Kai Salve SALVESEN estas norvega esperantisto. De 2003 ĝis 2007 li estis sekretario de Norvega Junularo Esperantista.

Liv Sandberg

Liv Sandberg estis esperantisto en la unua duono de 20-a jarcento.

Verkoj

Norvega Kantareto. Eld. Norvega Esperantista Ligo, Oslo, 1936(?)

„ Tekstaro de 34 kantoj, plejparte norvegaj. Espereble la kolekto tre utilos al la grupoj en Norvegujo, kaj ni deziras al ĝi bonan disvastiĝon. Se la literatura valoro de la tradukoj ne estas tre alta (kaj veran poezion oni ne ofte trovas ĉe tiaj tradukokolektoj), ĝi almenaŭ atingis nivelon ne tro malkontentigan: tamen apostrofoj tro abundas. Sur la Monto estas eĉ iom bela. ”

— M. C. B. La Brita Esperantisto - Numero 378, Oktobro (1936)

Tradukoj

Bjørnstjerne Bjørnson. Gaja Knabo. Eld. Norvega Esperantista Ligo, Oslo, 1934.

Olav Thormodsen

Olav THORMODSEN (naskiĝis 1910 - mortis en decembro 1992 en Haugesund, Norvegio) estis UEA-fakdelegito pri ĵurnalismo. En la 50-aj jaroj li partoprenis la reorganizon de Tutmonda Esperantista Ĵurnalista Asocio kaj dum longa tempo estis ĝia prezidanto. Nekrologo aperis en Internacia Ĵurnalisto, 2/1993, p. 3.

U

Rolf Uhlen

Rolf UHLEN estis la fondinto de la fonduso Rolf Uhlen (Uhlens legat) de la norvega Esperanto-movado.

W

Kjell Walraamoen

Kjell WALRAAMOEN (naskiĝis en 1931; mortis la 20-an de majo 2005 en Alvdal, Norvegio) estis norvega esperantisto, kunverkinto kun Lina Gabrielli de la poemaro Ni devas vivi (1974).