Athanasius Kircher

Athanasius Kircher
Persona informo
Naskiĝo	2-an de majo 1602 (1602-05-02) en Geisa
Morto	27-an de novembro 1680 (1680-11-27) (78-jaraĝa) en Romo
Tombo	Romo
Lingvoj	latina
Ŝtataneco	Sankta Romia Imperio
Alma mater	Pontifika Gregoria Universitato Gymnasium Theodorianum (en)
Okupo
Okupo	lingvisto vulkanologo geologo fizikisto verkisto muzeologo historiisto komponisto orientalisto natursciencisto katolika teologo universitata instruisto biologo muzikologo egiptologo matematikisto arkeologo muzika teoriisto inventisto universala klerulo astronomo katolika sacerdoto filozofo
Verkoj	Turris Babel Ĉinio Ilustrita

Athanasius KIRCHER, (ankaŭ: Athanasius Kircherus Fuldensis; naskiĝis la 2-an de majo 1602 en Geisa (Turingio); mortis la 27-an de novembro 1680 en Romo) estis germana jezuito kaj erudiciulo de la 17-a jarcento, kiu dum la plej longa daŭro de sia vivo instruis kaj esploris en la Roma Kolegio.

Vivo

Kirchner iĝis jezuito en 1618 kaj iĝis profesoro pri matematiko kaj filozofio, sed ankaŭ pri la lingvoj hebrea kaj siria en Würzburg. De tie li devis fuĝi dum la kruelaĵoj de la Tridekjara milito. Li estis en Heiligenstadt (1624) kaj en Avinjono antaŭ ol akompani kardinalon Frederiko de Hesio-Darmstadt al Malto kaj iĝis profesoro pri matematiko kaj siria lingvo en Romo. Poste li okupiĝis ekskluzive pri hieroglifoj - li estis unu el la spiritaj patroj de Jean-François Champollion - kaj arkeologiaĵoj. Sed estis inter liaj okupoj ankaŭ aferoj medicinaj, muzikteoriaj, matematikaj, geologiaj, etnologiaj-misisciencaj.

Li verkis i.a. »Specula melitensis encyclica« (Messina 1638); »Ars magna lucis et umbrae« (Romo 1644); »Musurgia universalis« (Romo 1650); »Lingua aegyptiaca restituta« (Romo 1694); »Mundus subterraneus« (Amsterdamo 1664); »China illustrata« (Amsterdamo 1667); »Polygraphica seu artificium linguarum, quocum omnibus totius mundi populis poterit quis correspondere« (Romo 1663); »Latium, id est nova et parallela Latii, tum veteris tum novi, descriptio« (Romo 1671).

Graveco

Latium, 1671

Kirchner estis homo de klereco universala. Lia frapfrazo estis "In uno omnia" (en unu ĉio). Multaj strangaĵoj kaj flankeniĝemo (duon)scienca famigis lin kaj liajn verkojn. Priskribis liajn kolektojn antikvecajn Buonanni (Romo 1709) kaj Lattara (Romo 1773). Kirchner (re)inventis la brulspegulon kaj la magian lanternon. La de li fondita muzeo "Museum Kircherianum" ene de la Roma kolegio iĝis ŝtata en 1870. En la libro Polygraphia nova (1663) li proponis universalan lingvon de la pazigrafia tipo. Kircher bonege sciis popularigi sciencajn konojn inter la homoj.

Fonto

Meyers Großes Konversations-Lexikon, volumo 11. Leipzig 1907, p. 61 (tie ĉi interrete)

Vidu ankaŭ

• Michał Boym

Eksteraj ligiloj

• Prezento de gamo da verkoj Arkivigite je 2008-03-21 per la retarkivo Wayback Machine
• China Monumentis (1667)
• Musurgia Universalis (1650) Glasgow University Library angle
• Ampleksega biografio ĉe deutsches-museum.de germane