Andrea Mantegna

El Vikipedio, la libera enciklopedio
Salti al navigilo Salti al serĉilo
La Agonio en la Ĝardeno (1455), National Gallery) estas tipa de la frua periodo de Mantegna.

Andrea MANTEGNA (naskiĝis ĉirkaŭ 1431 - m. la 13-an de septembro 1506) estis itala renesanca artisto. Li longe studadis romian arkeologion kaj fariĝis la bofilo de Jacopo Bellini. Samkiel aliaj artistoj de tiu tempo, Mantegna eksperimentis perspektivon laŭ la maniero, kiun li opiniis plej bona, tio estas per la malaltigo de horizontoj.

Liaj metalaspektaj pejzaĝoj kaj iasence ŝtonaj personoj manifestas lian fundamente skulptartan koncepton de pentrado. Mantegna estris atelieron, kiu iĝis la plej grava produktanto de kopioj de majstraj verkoj en Italio antaŭ 1500.