Anne Hidalgo

El Vikipedio, la libera enciklopedio
Saltu al: navigado, serĉo
Anne Hidalgo
Anne Hidalgo
Anne Hidalgo, la 1-an de februaro 2014.

Oficanta
Funkcio akceptita:
5-a de aprilo 2014
Antaŭulo Bertrand Delanoë

Unua vicurbestro de Parizo
En funkcio:
25-a de marto 2001 – 5-a de aprilo 2014
Venanta post Jacques Dominati

Oficanta
Li(Ŝi) akceptis funkcion:
2-a de aprilo 2004

Naskiĝo 19-a de junio 1959
en San Fernando (Provinco Kadizo, Hispanio)
Nacieco franca
hispana [1]
Politika partio Socialisma Partio (PS)
Edz(in)o Jean-Marc Germain
v  d  r
Information icon.svg

Anne Hidalgo, naskiĝinta la 19-an de junio 1959 en San Fernando en Hispanio, estas franca politikistino . Ŝi estas membro de la socialisma partio de 1994.

Eksa nacia sekretariino de la partio pri kulturo kaj amasinformiloj, post komisio pri profesia klerigo. Unua vicurbestro de Bertrand Delanoë de marto 2001, ŝia listo gajnis la municipajn balotojn de marto 2014 kaj ŝi fariĝis en la 5-a de aprilo 2014 la unua virino urbestro de Parizo.

Biografio[redakti | redakti fonton]

Origino kaj privata vivo[redakti | redakti fonton]

Naskita de hispanaj enmigrintoj, kiuj ekloĝis en 1961 en Liono kun siaj du filinoj, Anne Hidalgo kreskis en Vaise, kvartalo de Liono. Ŝiaj gepatroj reiris al Hispanio dum ŝia pli aĝa fratino, Maria, regas entreprenon en Los Angeles, en Kalifornio. Naskita Ana Hidalgo, ŝi akiris la francan naciecon kun siaj gepatroj la 25-an de julio 1973, kaj havas duoblan naciecon de 2003[2],[1].

De junio 2004, ŝi estas edzino de Jean-Marc Germain, eksa estro de asistantaro de Martine Aubry kaj deputito de Hauts-de-Seine de 2012. Ili kune havas unu infanon kaj ŝi estas patrino ankaŭ de du infanoj de antaŭa geedziĝo.

En la ministeriaj asistantaroj de registaro Jospin[redakti | redakti fonton]

Anne Hidalgo en 2010 en Parizo, okaze de la lanĉo de la defilo de la Ĉina novjara festo, sur la placo de la urbodomo en Parizo.

Inter 1997 kaj 2002, Anne Hidalgo laboris en tri ministeriaj asistantaroj en la registaro Jospin, unue en la asistantaro de Martine Aubry, ministro pri dungado kaj solidareco kiel konsilisto, poste ĉe Nicole Péry, subministro pri virinaj rajtoj kaj profesia klerigo, de 1998 ĝis 2000, kiel teknika konsilisto, poste konsilisto en la asistantaro, partoprenanta aparte pri la preparo de leĝoj pri pareco kaj profesia egaleco inter virinoj kaj viroj. De novembro 2000 ĝis majo 2002, ŝi estis teknika konsilisto poste komisiita pri sociaj rilatoj kaj ŝtatoficistara statuto en la asistantaro de Marylise Lebranchu, ministro pri justico.

2008-2014 : Unua vicurbestro de Parizo, komisiita pri urboplanado kaj arkitekturo[redakti | redakti fonton]

Post la municipaj balotoj de 2008, Anne Hidalgo restis la unua adjunkto de la urbestro de Parizo, Bertrand Delanoë. Ŝi estis komisiita pri urboplanado kaj arkitekturo[3] kaj prezidis la administran konsilion de Atelier parisien d'urbanisme[4].

Regionaj balotoj de 2010[redakti | redakti fonton]

Anne Hidalgo en amaskunveno de la kampanjo por la francaj regionaj balotoj de 2010 de la socialisma partio en la vintra cirkejo de Parizo.


Municipaj balotoj de 2014[redakti | redakti fonton]

La 30-an de marto 2014, en la dua vico de la municipaj balotoj, la listoj, kiujn ŝi kondukis, arigis majoritaton en la Konsilio de Parizo[5]. La 5-an de aprilo 2014, ŝi estis elektita per la Konsilio de Parizo estro de la ĉefurbo, fariĝante la unua virino en tiu posteno.

Distingoj[redakti | redakti fonton]

La 13-an de julio 2010, Anne Hidalgo estis altigita al komandoro de la Ordeno de Izabela la Katolikino, ekvivalento de la Honora Legio en Hispanio[6]. Tiuj insignoj estis donitaj al ŝi laŭ propono de la hispana registaro kaj laŭ decido de la reĝo Johano Karlo, de la hispana ambasadoro en Francio, kiu substrekis tiam ke « tiu insigno konsistigas agnoskon al la hispana enmigrado en Francio per Anne Hidalgo, kiu prezentas por ni ekzemplan modelon de sukcesinta integriĝo »[7].

Insigno Komandoro de la ordeno de Izabela la Katolikino

La 14-an de julio 2012, ŝi estis nomumita kavaliro de la Honora Legio[8].

Notoj kaj referencoj[redakti | redakti fonton]

Vidu ankaŭ[redakti | redakti fonton]

Eksteraj ligiloj[redakti | redakti fonton]