Axel Springer SE
Ne konfuzo kun eldonejo Springer Verlag
| Axel Springer SE | ||
|---|---|---|
| ||
| ||
| komunikilkompanio • publika kompanio • eldonejo vd | ||
| Dum | 1946 - nekonata/nuntempe | |
| Jura formo | Eŭropa Kompanio | |
| Fondintoj | Axel Springer vd | |
| Sidejo | Berlino | |
| Lando | Germanio | |
| Estr(ar)o | Mathias Döpfner | |
| Dungitoj | 13 917 (stato: 2014) | |
| Agokampo | revuo | |
| ISIN-kodo | DE0005501357 | |
| filiaj kompanioj | Bild • WeltN24 • Maz & More TV Produktion • Welt • N24 Doku • Bild TV • transfermarkt.com vd | |
| Posedataj kompanioj | Die Welt • Bild • Welt am Sonntag • Hamburger Abendblatt • Business Insider • Auto Bild • Axel Springer Academy • Bild am Sonntag • Politico Europe • Dziennik Polska-Europa-Świat • Fakt • transfermarkt.com • CareerStructure.com • Qwant • Bike Bild • WeltN24 vd | |
| TTT | Oficiala retejo | |
Axel Springer SE (germane Axel Springer AG) estas germana amaskomunikila firmao, fondita en 1946 fare de Axel Springer [1]. Kiel eŭropa kompanio (SE, societas Europaea) ĝi estas la plej granda eldonisto en Eŭropo, la plej granda eldonisto en Germanio por gazetoj, la tria plej granda por revuoj kaj unu el la plej grandaj en Eŭropo por rimedoj de komunikado ĝenerale [2].
Historio[redakti | redakti fonton]
La firmao Axel Springer - Axel Springer Verlag GmbH (nuntempe Axel Springer AG) estis fondita en Hamburgo en 1946 fare de Axel Springer kaj lia patro Heinrich, kiu tiutempe estis konata eldonisto en sia propra rajto. Kiam la firmao estis fondita, ĝi konsistis el nur unu malgranda gazeto, nomita NORDWESTDEUTSCHE HEFTE kaj eta radiorevuo HÖRZU. La firmao kreskis kaj evoluis rapide. En 1948, Axel Springer fondis sian unuan ĉiutagan vesperan gazeton, HAMBURGER ABENDBLATT, kaj en 1952, la gazeto Bild, kiu nuntempe estas la plej disvastigita kaj vaste legata gazeto en Eŭropo. Jaron poste, la eldonejo de Die Welt estis aĉetita, inkluzive de la semajna WELT am SONNTAG kaj la gazeto Die Welt mem. Ĉi-lasta rapide fariĝis la ĉefa gazeto de la eldonisto, destinita por ekskluziva publiko de alta intelekta nivelo. En 1959, la firmao Axel Springer ankaŭ disetendiĝis al libroeldonado, kiam ĝi akiris Elstein Publishing kaj sep jarojn poste, en 1966, ĝi ankaŭ aldonis ĉefsidejon en Berlino, kiu iĝis la centro de la grupo, kvankam Hamburgo restis grava centro.
En la 60-aj kaj 70-aj jaroj de la 20-a jarcento, la grupo staris ĉe la kapo de la kontraŭuloj de la maldekstra terorismo de tiu tempo. Rezulte, en 1968 ĝiaj oficejoj en Berlino suferis de manifestacioj kaj blokadoj de radikalaj maldekstraj studentgrupoj, kaj Rote Armee Fraktion (grupo Bader Meinhof) eĉ metis la firmaon Axel Springer kiel centran celon por atakoj [3]. En 1972, tiu terorista grupo metis ses bombojn ĉe la oficejoj de la firmao en Hamburgo. Tri el ili eksplodis kaj 17 homoj estis vunditaj. En 1975, bombo eksplodis en la oficejoj de la grupo en Parizo kaj franca alo de tiuj teroristoj prenis respondecon pri ĝi [4].
En 1985, la firmao estis listigita en la borso en Frankfurto ĉe Majno [5], kaj baldaŭ post tiu jaro, ĝia fondinto Axel Springer forpasis kaj lia kvina edzino, Frieda Springer, prenis kontrolon de ĝi [6]. Jaron poste, la firmao Axel Springer komencis vastigi kaj eldoni gazetojn, revuojn kaj librojn ankaŭ en aliaj landoj ekster Germanio, unue en Italio, poste en aliaj landoj en Eŭropo kaj poste, en la tuta mondo.
Nuntempe[redakti | redakti fonton]
Axel Springer nuntempe (2012) laborigas proksimume 13,000 homojn en 36 landoj en la mondo. La firmao publikigas pli ol 230 malsamajn gazetojn kaj revuojn same kiel proksimume 80 interretajn publikaĵojn kaj krome havas plenan aŭ partan kontrolon de diversaj radio- kaj televidretoj. Ĝia totala enspezo en 2011 atingis ĉirkaŭ 3.2 miliardojn da eŭroj, kun pli ol kvarono de tio venanta de ekster Germanio. La profito estis pli ol duonmiliardo da eŭroj. La totala valoro de la grupo estas taksita je preskaŭ kvar miliardoj da eŭroj (ekcio (angle equity) - preskaŭ du miliardoj da eŭroj). Ekde 1985, la akcioj de la firmao estis interŝanĝitaj sur la Germana Borso en Frankfurto, kaj ekde la 10-an de septembro 2010, ĝi estas parto de la MDAX-indekso. La akcia simbolo estas SPR. La ĉefoficisto de la kompanio nuntempe kaj ekde 2002 estas Matthias Döfner (naskiĝis en 1963), iama ĉefredaktoro de la ĉefa ĵurnalo de la grupo, Die Welt.
Kvankam la grupo konsideras Die Welt sian frontomontran gazeton kaj celas ĝin por ekskluziva kaj intelekta legantaro, la plej vendata gazeto de ĝi nuntempe estas fakte "Bild". Tiu ĉi gazeto estas ankaŭ la plej vendita kaj legata en Eŭropo kaj la nombro de ĝiaj legantoj estas taksita je 12 milionoj da homoj, ĉiutage. Ekde 1986, la grupo ankaŭ eldonas "Auto Bild", la plej vendatan aŭtorevuon en Eŭropo - sep milionojn da ekzempleroj ĉiumonate, "Computer Bild", kiu estas la plej vendata komputila revuo en Eŭropo, "Sport Bild" - la plej vendata sporta revuo en Eŭropo, kaj pli.
La firmao akiris Business Insider en 2015 kaj Politico en 2021. Axel Springer SE etendis politikon ke ĉiuj dungitoj devas subteni libermerkatan ekonomion, unuiĝantan Eŭropon kaj la rajto de Israelo ekzisti [7].
Vidu ankaŭ[redakti | redakti fonton]
- Amaskomunikilara koncentriĝo
- Protestoj de 1968
Referencoj[redakti | redakti fonton]
- ↑ www.axelspringer.com. Arkivita el la originalo je 18 July 2011. Alirita 9 September 2010. Arkivigite je 2011-07-18 per la retarkivo Wayback Machine
- ↑ Unsere Essentials
- ↑ Jillian Becker, Hitler's Children: The Story of the Baader-Meinhof Terrorist Gang (New York: JB Lippincott, 1977), p.39
- ↑ Jeremy Varon, Bringing the War Home: The Weather Underground, the Red Army Faction, and Revolutionary Violence in the Sixties and Seventies (Los Angeles: University of California Press, 2004), p.39
- ↑ Noam, Eli. (1991) Television in Europe. Oxford University Press. ISBN 0195069420.
- ↑ Springer May Shake Up Ad Market With ProSieben1 Bid (Update1). Bloomberg (1 August 2005). Arkivita el la originalo je 15 July 2014. Alirita 14 July 2014.
- ↑ "New Politico Owner Says Will Enforce pro-Israel Policy", Haaretz, October 17, 2021.