Bălan (Sălaj)

Bălan
Komunuma sidejo
komunumo en Rumanio
Lando	Rumanio
Distrikto	distrikto Sălaj
Alinome	Almásbalázsháza hungare, Blasenkirchen germane
Iama hungara departemento	Szilágy
Situo	47° 9′ N, 23° 19′ O (mapo)47.15555555555623.311111111111
Bălan (Sălaj) (Rumanio) DMS
Alto super maro	219 m
Poŝtkodo	457025
Kodo laŭ SIRUTA	140155

Bălan [bəlan] (hungare Almásbalázsháza aŭ Balásháza, germane Blasenkirchen) estas komunumo en Rumanio en la distrikto Sălaj, oriente de la urbo Zalău. Ĝi situas apud la rivero Almaș (kies nomo signifas "poma"), alfluanto de Someș. Administre apartenas al ĝi la vilaĝoj Bălan, Chechiș, Chendrea, Gălpâia kaj Gâlgău Almașului.

Ĝia unua mencio estas el 1399. Ĝis la Trianona traktato en 1919 kaj inter Dua Viena Arbitracio en 1940 kaj Ŝtatrenverso en Rumanio de 1944, ĝi apartenis al Hungario, al Szilágy. En 1910 Almásbalázsháza havis 1 495 loĝantojn (rumanoj), en 1956 1 190.

Laŭ la germana Vikipedio, la nomo Bălan venas de Balan, kiu, onidire, origine estis kromnomo por blondharaj homoj. La hungara nomo Almásbalázsháza apartenas la pluraj hungaraj loknomoj kun la ero almás, kiu signifas "pomo".

En Bălan troviĝas tri lignaj preĝejoj, kiuj estis nomitaj historiaj monumentoj de la rumana registaro: en Bălan Josan (de 1695), en Bălan Cricova (1848) kaj en la monaĥejo de Bălan (19-a jarcento). Ankaŭ la naturrezervejo Grădina Zmeilor de 3 hektaroj kaj la neolitika setlejo de la Criș kulturo (konata ankaŭ kiel Körös-kulturo), en Chendrea, troviĝas en la komunumo.

Bildaro

• 
  La vilaĝo Gălpâia
• 
  Ligna preĝejo en Chechiș (1797, 1899)
• 
  Ligna preĝejo en Bălan Cricova
• 
  Situo en la distrikto Sălaj

Fontoj

• Magyar nagylexikon, 1–18, 1993–2004, Budapest

Eksteraj ligiloj

• Popolnombrado 2002 Arkivigite je 2008-06-14 per la retarkivo Wayback Machine
• Mapo de la distrikto Arkivigite je 2009-02-01 per la retarkivo Wayback Machine