Barraba
| Barraba | |
| urbeto | |
 La horloĝturo ĉe Queen Street, Barraba
| |
| Oficiala nomo: Barraba | |
| Lando |  Aŭstralio
|
|---|---|
| Federacia ŝtato | Nova Suda Kimrio |
| Regiono | Nov-Anglio |
| Municipo | Tamworth-regionmunicipo |
| Situo | Barraba |
| - alteco | 500 m s. m. |
| - koordinatoj | 30° 22′ 42″ S 150° 36′ 38″ O / 30.37833 °S, 150.61056 °O (mapo) |
| Loĝantaro | 1 410 (2016 [1]) |
| Estiĝo | 1850-oj |
| Horzono | AOST (UTC+10) |
| - somera tempo | AOST (UTC+11) |
| Poŝtkodo | 2347 |
  Situo enkadre de Aŭstralio
| |
 Vikimedia Komunejo: Barraba, New South Wales
| |
| Retpaĝo: angle [1] | |
 Portalo pri Aŭstralio
| |
Barraba estas urbeto en la Nov-Anglio regiono de Nova Suda Kimrio, Aŭstralio. La urbeto antaŭe estis la centro de la Barraba-lokmunicipo, tamen en 2004 kaj la urbeto kaj la plejmulto de la municipo estis kununuigitaj en la Tamworth-regionmunicipon. Barraba estas en la Bundarra-Barraba Grava Birda Areo, kiu konservas la loĝlokon de la endanĝerata regentmelifagedo (Anthochaera phrygia).
Barraba estas 477 km nordokcidente de Sidnejo, 548 km sudokcidente de Brisbano, kaj 90 km norde de Tamworth, kiu estas la plej proksima urbo. La Manilla Rivero fluas apud la urbeto. Barraba estas laŭ la Vojo de la Prospektistoj (Fossickers Way) turismvojo kaj ĝi estas en la Nandewarmontaro.
Historio[redakti | redakti fonton]
La indiĝena Kamilaroj-popolo loĝis en la distrikto antaŭ ol la alveno de la eŭropanoj.[2] La unua eŭropano en la distrikto estis la esploristo kaj botanikisto Allan Cunningham, kiu atingis tien en 1827.[3] La unua bieno en la distrikto, Barraba Station, estis establita en aŭ 1837 aŭ 1838.[2][4] La estonta urbeto estis termezurita en 1852.[5]
Dum la 1850-aj jaroj orimpetegoj helpis la kreskadon de la kolonieto.[5] La unua poŝtoficejo estis malfermita en 1856[6] kaj la unua lernejo estis malfermita en 1861.[2] La unua anglikana preĝejo estis konstruita en 1876[4] kaj la unua banko ankaŭ estis malfermita en 1876.[4] La unua hotelo, la Commercial Hotel, estis konstruita en 1878[4] kaj la juĝejo estis konstruita en 1881.[4] Barraba estis proklamita urbeto en 1885.[4][5] La malsanulejo estis konstruita en 1891[4] kaj la metodisma preĝejo estis konstruita en 1898.[4]
La loka gazeto, la Barraba Gazette, komencis eldoniĝi en 1900.[4] La katolika preĝejo estis konstruita en 1906.[4] La fervojo atingis la urbeton en 1908,[7] tamen la fina trajno vojaĝis al Barraba en 1983, kaj la fervojo estis fermita en 1987.[8] La Connors Rivereto akvobaraĵo estis konstruita en 1933 por plibonigi la akvoprovizon de la urbeto.[4]
Minado[redakti | redakti fonton]
Kupro[redakti | redakti fonton]
Kupro estis malkovrita ĉe Gulf Creek en 1889 kaj la unua minejo estis establita en 1892. Gulf Creek estas 22 km nordoriente de Barraba. Vilaĝo ankaŭ estis establita, kiu enhavis hotelon, lernejon, kaj poŝtoficejon.[2] La minejo estis la plej granda kuprominejo en Nova Suda Kimrio en 1901, tamen la minejo estis fermita en la 1930-aj jaroj. Proksimume 300 homoj loĝis en la vilaĝo en 1901.[9] La poŝtoficejo estis malfermita en 1897 kaj ĝi estis fermita en 1966.[6] La vilaĝo estis forlasita.
Asbesto[redakti | redakti fonton]
Asbesto estis minata de 1919 ĝis 1983 ĉe Woodsreef, kiu estis vilaĝo 15 km oriente de Barraba. La minejo estis pligrandita en 1974. La minejo produktis 500,000 tunojn da blanka asbesto.
La forlasita minejo postlasis 75 000 000 tunojn da forĵetaj rokoj kaj 25 000 000 tunojn da asbesto. La asbestamaso kovras 43 hektarojn kaj ĝi estas ĝis 70 m alta.[10]
Televidoraporto en 2008 priskribis la kreskantan maltrankvilon ke la asbesto povus esti sanstata risko por kaj loĝantoj kaj vizitantoj.[11] La Fonduso de Asbestaj Malsanoj de Aŭstralio (The Asbestos Diseases Foundation of Australia) demandis ke la minejo urĝe estu restatigita. La fonduso ankaŭ demandis ke la homoj ne estu permesata eniri la minejon. Publika vojo transiris la minejon ĝis ĝi estis fermita en 2013. La vilaĝo estis forlasita.
La Huntera-Nova Anglia Sanstatservo (Hunter New England Health) kondukis urĝan studon de la sanstataj signifoj por la komunumo de Barraba.[10] La studo estis finita tamen la raporto jam ne estas eldonita.[12]
-
La asbestominejo ĉe Woodsreef -
-
Asbestoŝtofo -
Asbestomalsano
Diatomito[redakti | redakti fonton]
Diatomito-minejo estis establita en 1982.
_Monterey_Formation_at_a_diatomite_quarry_just_south_of_Lompoc.jpg)
Prospektado[redakti | redakti fonton]
Pirito, jaspo, granato, zeolito, kaj ruĝa, bruna, kaj flava kvarco ankaŭ estas troveblaj en la distrikto. Oni ankaŭ povas trovi fosiliojn.
-
-
Ruĝa jaspo -
-
Farmado[redakti | redakti fonton]
Viandobovoj, merinoj, kaj tritiko estas farmata en la distrikto.
Klimato[redakti | redakti fonton]
Barraba spertas varmegajn humidajn somerojn kaj malvarmajn malhumidajn vintrojn. La plej alta registrita temperaturo estas 41.8 °C kaj la plej malalta registrita temperaturo estas -9.4 °C. La meza jara pluvofalo estas 688.7 mm kaj la plej alta registrita taga pluvofalo estas 194.3 mm, kiu falis la 25an de Februaro, 1955.[13]
Akvoprovizado[redakti | redakti fonton]
Antaŭ ol la konstruado de la Split Rock akvobaraĵo, la urbeto ĉerpis akvon el la Manilla Rivero, la Barraba Rivereto, kaj la Connors Rivereto akvobaraĵo.[14] Kiam tiuj fontoj estas malaltaj, Barraba ĉerpas akvon el krizokazaj putoj.[15]
La Split Rock akvobaraĵo estas konstruita en 1988 kaj tubolinio de tiu akvobaraĵo ĝis la urbeto estis kompletita en 2015.
.JPG)
Fotaro[redakti | redakti fonton]
-
Queenstrato estas la ĉefstrato de Barraba -
La juĝejo, Barraba -
La Commercial Hotelo, Barraba -
La anglikana preĝejo, Barraba -
La metodisma preĝejo, Barraba -
La katolika preĝejo, Barraba -
La horloĝturo, Barraba -
La unua banko, Barraba
Referencoj[redakti | redakti fonton]
- ↑ 2016 Census QuickStats – Barraba (State Suburb). Australian Bureau of Statistics (6-a de julio 2018). Arkivita el la originalo je 2019-10-18. Alirita 18-a de augusto 2018.
- ↑ 2,0 2,1 2,2 2,3 "Barraba", Sydney Morning Herald Traveller, 13-a de novembro 2008. Kontrolita 14-a de novembro 2011.
- ↑ Barraba. Visit Tamworth. Tamworth Regional Council. Alirita 14-a de novembro 2011.
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 Barraba Dateline. Barraba NSW – The Community Website. Arkivita el la originalo je 17a de Marto 2012. Alirita 14a de Novembro 2011. Arkivita kopio. Arkivita el la originalo je 2012-03-17. Alirita 2018-04-04.
- ↑ 5,0 5,1 5,2 . Thematic History of Nundle, Manilla and Barraba, p. 124–125. Tamworth Regional Council (Februaro 2007). Arkivita el la originalo je 2019-04-05. Alirita 14a de Novembro 2011. Arkivita kopio. Arkivita el la originalo je 2019-04-05. Alirita 2018-04-04.
- ↑ 6,0 6,1 Post Office History. Post Office List – NSW. Premier Postal Auctions. Alirita 14-a de novembro 2011.
- ↑ "THE BARRABA RAILWAY.", National Library of Australia, 22-a de septembro 1908, paĝo 7. Kontrolita 15-a de novembro 2011.
- ↑ Bozier, Rolfe. Barraba Branch. NSWrail.net. Alirita 15-a de novembro 2011.
- ↑ "MINING IN NEW SOUTH WALES.", National Library of Australia, 29a de Julio 1901, paĝo 8. Kontrolita 15a de Novembro 2011.
- ↑ 10,0 10,1 Woodsreef Asbestos Mine Site Rehabilitation Private Members Statement, 29 August 2008.. Arkivita el la originalo je 2016-04-03. Alirita 2018-04-04.
- ↑ Abandoned asbestos mine causes community outrage
- ↑ Woodsreef health report under wraps. Arkivita el la originalo je 2012-03-11. Alirita 2018-04-04.
- ↑ Basic Climatological Station Metadata – Barraba Post Office. Bureau of Meteorology. Alirita 16a de Novembro 2011.
- ↑ Barraba Water Supply. Arkivita el la originalo je 2016-03-03. Alirita 2018-04-04.
- ↑ Barraba's water supply critical
Eksteraj ligiloj[redakti | redakti fonton]
- angle Loka retpaĝo Arkivigite je 2019-04-11 per la retarkivo Wayback Machine
- angle La Fejsbuko-retpaĝo de Barraba
- angle La "Frost over Barraba" artfesto
- angle La Barrabafesto
- angle De la Tamworth regionregistara retpaĝo
- angle La Tamworth regionregistara retpaĝo
- angle De la Vojo de la Prospektistoj (Fossickers Way) retpaĝo Arkivigite je 2021-03-05 per la retarkivo Wayback Machine
- angle La Vojo de la Prospektistoj (Fossickers Way) retpaĝo Arkivigite je 2018-06-28 per la retarkivo Wayback Machine
- angle Video: Connors Rivereto akvobaraĵo
- angle Video: la asbestominejo ĉe Woodsreef
- angle Video: la Split Rock akvobaraĵo
- angle La Split Rock akvobaraĵo
- angle La Fonduso de Asbestaj Malsanoj de Aŭstralio retpaĝo
- angle La Huntera-Nova Anglia Sanstatservo (Hunter New England Health) retpaĝo Arkivigite je 2018-03-13 per la retarkivo Wayback Machine
- angle Barraba ĉe Vikivojaĝo