Blankokula sturno

Kiel legi la taksonomion

Blankokula sturno

Biologia klasado

Regno:	Animaloj Animalia
Filumo:	Ĥorduloj Chordata
Klaso:	Birdoj Aves
Ordo:	Paseroformaj Passeriformes
Familio:	Sturnedoj Sturnidae
Genro:	Aplonis
Specio:	'A. brunneicapillus'

Dunomo

Aplonis brunneicapillus
(Danis, 1938)

Konserva statuso

Konserva statuso: En danĝero

Aliaj Vikimediaj projektoj

Sistematiko en Vikispecioj

v • d • r

La Blankokula sturno (Aplonis brunneicapillus) estas birdo de la familio de sturnedoj kaj genro de Pacifikaj sturnoj aŭ Aplonis. Ĝi estas monotipa.

Aspekto[redakti | redakti fonton]

Ĝi estas birdo 21 cm longa plus 11 cm de vostodirektiloj. Ĝi estas longvosta, blankokula, brila malhelverda sturno kun helbruneca krono (kio nomigas la specion en la latina scienca nomo) kaj malhelbrunaj flugiloj. Plenkreskuloj havas longajn vostodirektilojn kiuj estas ofte ĉu rompitaj ĉu perditaj. Junuloj estas senkoloraj kun striecaj sablokoloraj subaj partoj kaj havas nek la longajn vostodirektilojn, nek la blankajn irisojn nek la fortikan bekon de plenkreskulo.

Similaj specioj estas la Metala sturno, A. metallica, kaj la Kantosturno, A. cantoroides, kiuj havas ruĝajn okulojn, pli mallongajn vostojn kaj pli fajnajn bekojn. Junuloj estas similaj kaj distingeblaj pro struktura komparo kun akompanantaj plenkreskuloj.

La voĉo konsistas je ampleksa gamo de sturneca babilado kaj fajfado.

Kutimaro[redakti | redakti fonton]

Ili reproduktiĝas kolonie kaj en malaltaj marĉoj kaj en montetaj arbaroj. Ili manĝas foje laŭ aroj en arbaroj, arbarbordoj kaj duarangaj arbaroj kaj nutras sin per fruktoj.

Disvastiĝo[redakti | redakti fonton]

Ĝi estas indiĝena de Papuo-Novgvineo kaj Salomonoj kaj ĉefe en Bougainville en ĉefa insulo kaj ĉe Choiseul, Rendova kaj Guadalcanal de Salomonoj. Ties natura habitato estas subtropikaj aŭ tropikaj humidaj arbaroj de malaltaj teroj aŭ marĉoj. Ĝi estas minacata pro habitatoperdo pro senarbarigo kaj ĉar lokanoj manĝas ilin; oni supozas ke estas nur inter 1,000 kaj 2,000 individuoj.