Donecka Popola Respubliko

El Vikipedio, la libera enciklopedio
Donecko
Donecka Respubliko
Донецкая народная республика
Doneckaja Narodnaja Respublika

Flag of Donetsk People's Republic.svg

Detaloj

Detaloj Detaloj
Bazaj informoj
Ĉefurbo Donecko
Oficiala(j) lingvo(j) rusa lingvo
Uzata(j) lingvo(j) rusa
Plej ofta(j) religio(j) ortodoksismo
Areo 8 539 km²
Loĝantaro 2 332 556
Loĝdenso 237 loĝ./km²
Horzono +2
Telefona kodo +380 71
Politiko
Politika sistemo prezidenta respubliko
Ŝtatestro Denis Puŝilin
Ĉefministro Vitalij Ĥocenko
Sendependiĝo disde Ukrainio 12-a de majo 2014
Ekonomio
Valuto Rusia rublo (RUB)
Wikidata-logo.svg
Information icon.svg
vdr

Donecka Popola Respubliko (ruse Донецкая народная республика) estas parte agnoskita ŝtato situanta en Donbaso, kiu laŭ internacia juro estas orienta parto de Ukrainio. Ĝi estas agnoskita de Rusio, Sirio kaj Nord-Koreio. Multaj politologoj konsideras ĝin marioneta ŝtato de Rusio. Ukrainio konsideras ĝin terorista organizo.[1][2][3][4]

Situo
Donecka Popola Respubliko kaj Luhanska Popola Respubliko. La 24-an de majo 2014 Donecka Popola Respubliko kaj Luhanska Popola Respubliko subskribis interkonsenton pri kreo de la Federacia Respubliko Novorusio
Ruinoj de Internacia flughaveno de Sergej Prokofjev en Donecko, 24-a de decembro 2014
Alexandr Borodaj, rusia civitano, de majo ĝis aŭgusto 2014 estro de la respubliko, nomumita fare de Plejsupera Konsilio

Historio[redakti | redakti fonton]

La agado komenciĝis la 7-an de aprilo 2014, kiam separistoj okupis konstruaĵon de provinca administrejo kaj urba konsilantaro en Donecko. Semajnon poste aktivistoj de Donecka Popola Respubliko transprenis kontrolon de pluraj administrejoj en multaj urboj de la Donecka provinco: Mariupol, Horlivka, Makijivka, SlovjanskoKramatorsko.

La ŝtato aperis post referendumo, okazinta la 11-an de majo 2014.[5] Post la voĉdonado, la ĉefo de la Voĉdona Komitato de la respubliko, Roman Ljagin, deklaris ke 89,7 % da voĉdonintoj subtenas la establon de la nova respubliko.[6] La donecka voĉdona komitato aprobis la rezulton, menciante ke 74,87 % da personoj voĉdonis.[7] Ukrainio kaj okcidentaj nacioj ne agnoskas la rezultojn de la referendumo.[5]

La 16-an de majo 2014 sur postenon de la ĉefministro de la respubliko estis nomumita fare de Plejsupera Konsilio rusia civitano Aleksandr Borodaj.

La 24-an de majo 2014 Donecka Popola Respubliko kaj Luhanska Popola Respubliko subskribis interkonsenton pri kreo de Federacia Respubliko Novorusio.

Batalgrupoj de Donecka Popola Respubliko estas akuzataj pri pluraj militkrimoj dum batalado kontraŭ la ukraina armeo, same akuzata je militkrimoj.

La 17-an de julio 2014 autoritatoj de Donecka Popola Respubliko estis akuzitaj pri pafalterigo de la pasaĝera aviadilo de Malajzia Aerlinio. Konforme al la donitaĵoj de spionagentejoj de Ukrainio kaj Usono la pafalterigo okazis helpe de kontraŭaviada sistemo BUK, priservata de tiel nomataj „verdaj hometoj" (batalantoj en uniformoj sen rangosignoj), poste oni asertis, ke tio estas soldatoj de rusiaj taĉmentoj kaj ankaŭ anoj de la rusia Federacia Sekureca Servo.

En la respubliko ofte okazas homforkaptoj kaj eksterjuĝaj ekzekutoj. En aprilode kiu jaro? batalgrupoj forkondukis en Slovjansko mision de la Organizo por Sekureco kaj Kunlaboro en Eŭropo, kies membroj estis dum kelkaj semajnoj entenataj en la urbo. En Slovjansko oni ankaŭ kaptis kaj murdis plurajn civitanojn de Ukrainio. Sur la teritorio de la rekonkerita urbo oni trovis amasan tombon, kie oni sukcesis identigi korpojn de kvar paroĥanoj de loka ortodoksa preĝejo. Laŭ Sekureca Servo de Ukrainio de aŭgusto 2014, batalgrupoj de Donecka Popola Respubliko detenis kelkcent ostaĝojn.

La 31-an de aŭgusto 2018 ĉefministro de la respubliko Aleksandr Zaĥarĉenko estis morte vundita pro eksplodo en kafejo en Donecko.

La 22-an de februaro 2022 prezidanto de Rusio Vladimir Putin subskribis la ukazon pri agnosko de Donecka Popola Respubliko. Sekvis subskribo de traktatoj pri amikeco, kunlaboro kaj reciproka helpo.

Referencoj[redakti | redakti fonton]

  1. Jones, Sam."Ukraine fighting points to Russia designs for puppet state". // Financial Times (angle)
  2. Socor, Vladimir (2016). "Conserved Conflict: Russia's Pattern in Ukraine's East". In Iancu, Niculae; Fortuna, Andrei; Barna, Cristian; Teodor, Mihaela (eds.). Countering Hybrid Threats: Lessons Learned from Ukraine. Washington, DC: IOS Press. pp. 187–192. ISBN 978-1614996507. (angle)
  3. Rosjanie od roku szykują Donbas do eskalacji // www.gazetaprawna.pl (pole)
  4. Чотири місяці війни. Чого досяг Путін і чого досягла Україна // BBC News (ukraine)
  5. 5,0 5,1 Ukraine crisis: Will the Donetsk referendum matter? (angle). BBC. Alirita 2014-05-12.
  6. Nearly 90% of Voters Support Independent Donetsk People’s Republic (angle). RIA Novosti. Arkivita el la originalo je 2014-05-22. Alirita 2014-05-12.
  7. Referendum results in Donetsk and Lugansk Regions show landslide support for self-rule (angle). Russia Today. Alirita 2014-05-12.

Vidu ankaŭ[redakti | redakti fonton]

Eksteraj ligiloj[redakti | redakti fonton]

Etnaj rusoj en Ukrainio laŭ popolnombrado en 2001