Eŭropa Kontrolanto pri Datumprotektado

El Vikipedio, la libera enciklopedio
Eŭropa Kontrolanto pri datumprotektado
anglolingva logotipo de la EKDP
Tipo Instanco de Eŭropa Unio
Fondodato Januaro 2004
Sidejo Flago de Belgio malpli alta.svg Belgio, Bruselo
Prezidanto Wojciech Wiewiórowski
Retejo www.edps.europa.eu
Wikidata-logo.svg
Information icon.svg
vdr

La Eŭropa Kontrolanto pri Datumprotektado (EKDP) estas sendependa kontrola aŭtoritato de la Eŭropa Unio, kies ĉefa misio estas certigi, ke eŭropaj institucioj kaj instancoj plenumas la leĝon pri privateco kaj datuma protektado dum prilaborado de personaj datumoj kaj disvolvado de novaj politikoj.

La 6-an de decembro 2019, Wojciech Wiewiórowski enoficiĝis kiel Eŭropa Kontrolanto pri Datumprotektado. Li estis nomumita por kvinjara mandato per komuna decido de la Eŭropa Parlamento kaj la Konsilio.

La Reglamento (EU) 2018/17252 difinas la funkciojn kaj povojn de la Eŭropa Kontrolanto pri Datumprotektado (Ĉapitro VI) same kiel ties institucian sendependecon kiel kontrola aŭtoritato. Ĝi ankaŭ difinas la regulojn por datumprotektado ene de la EU-institucioj.

Praktike, la agadoj de la EKDP povas esti dividitaj en tri ĉefajn funkciojn: kontrolado, konsultado kaj kunlaborado.