Fernand Crommelynck

El Vikipedio, la libera enciklopedio
Salti al navigilo Salti al serĉilo

Fernand Crommelynck (19a de Novembro 1886 - 17a de Marto 1970) estis belga dramaturgo. Li naskiĝis en familio de aktoroj, filo de franca patrino kaj belga patro kaj ankaŭ li mem estis aktoro. Lia filo nome Aldo Crommelynck, 1931–2009, estis fama artopresisto, kiu laboris ĉe multaj gravaj artistoj de la 20a jarcento.[1]

Kelkaj el liaj famaj teatraĵoj estis ekzemple Nous n'irons plus au bois (Ni ne plu iros al la arbaro, 1906), Le sculpteur de masques (La maskoskulptisto, 1908) kaj Le marchand de regrets (La penkomercisto, 1913), bazitaj sur logika disvolvigo de absurda komenco.

La ĉefa verko de Crommelynck estis Le Cocu magnifique (1920), 'lirika farso' pri la temo de la ĵaluzo de amanto. Surscenijigita fare de la rusa teatrorevoluciulo Vsevolod Mejerhold tiu teatraĵo estis tiom sukcesa ke Crommelynck povis ĉesi aktoradi kaj dediĉi sin al verkado. En Tripes d'or (1926) li satiris la pasion por mono kaj la falsa prestiĝo kiun ĝi alportas, dum en Carine, ou la jeune fille folle de son âme (1929) li kontrastigis amon kaj volupton en la historio de pura junulino kiu estas fidela al siaj idealoj de amo ĝis malfeliĉa fino.

Selektaj verkoj[redakti | redakti fonton]

  • Le Sculpteur des masques (1908)
  • L'Histoire de Minna Claessens (Alfred Machin, 1912)
  • L'agent Rigolo et son chien policier (Alfred Machin, 1912)
  • Le Marchand de regrets (1913)
  • Maudite soit la guerre (Alfred Machin, 1914)
  • Le Cocu magnifique (drama) (1921)
  • Les Amants puérils (1921)
  • Tripes d'or (1930)
  • Le Cadavre n° 5 (Gaston Schoukens, 1932)
  • Une Femme qu'a le cœur trop petit (1934)
  • Chaud et froid (1936)

Selekta filmaro[redakti | redakti fonton]

  • Le juge (1921)
  • Miarka, la fille à l'ourse (1937)
  • Le Roman de Werther (de Max Ophüls, 1938)

Referencoj[redakti | redakti fonton]

  1. GRIMES, WILLIAM, "Aldo Crommelynck, Master Printer for Prominent Artists, Is Dead at 77", The New York Times, 29a de Januaro 2009. Kontrolita 2012-05-27.

Eksteraj ligiloj[redakti | redakti fonton]