Ivan Fomin

Ivan Fomin
Persona informo
Naskiĝo	22-an de januaro 1872 (1872-01-22) en Orjol
Morto	12-an de junio 1936 (1936-06-12) (64-jaraĝa) en Moskvo
Mortokialo	apopleksio
Tombo	Novodeviĉje tombejo
Lingvoj	rusa
Ŝtataneco	Rusia Imperio • Sovetunio
Alma mater	Imperia Moskva Universitato • Higher Art School at the Imperial Academy of Arts
Familio
Infanoj	Igor Ivanovich Fomin • Q97664475
Okupo
Okupo	arkitekto • arkitekturhistoriisto
Verkoj	Krasnije Vorota Teatralnaja

Ivan Aleksandroviĉ FOMIN, ruse Иван Александрович Фомин; naskiĝis la 3-an de februaro 1872^n.s. en Orjol urbo, Rusia Imperio; mortis la 12-an de junio 1936 en Moskvo) estas eminenta rusa arkitekto, kies senkompareblaj kreaĵoj beligas Moskvon - la ĉefurbon de Rusio kaj ceterajn urbojn de eksa Sovetunio.

Biografio

Fomin naskiĝis en familio de poŝta oficisto kaj ricevis klasikan edukon en gimnazio en Rigo, kiun li sukcese finis en 1890. Poste li studis matematikon en la Moskva Universitato. En 1894, li eniris la Rusian Akademion de Belartoj en Sankt Peterburgo, sed estis forpelita en 1896 pro kontraŭleĝa politika agado. Unu jaron lia studado daŭris en Francio. En 1898 Fomin ekloĝiĝis en Moskvo kaj pasigis la testojn por la licenco de entreprenisto. Li laboris por Lev Kekuŝev kaj Fjodor Schechtel, du plej elstaraj tiamaj rusaj arkitektoj.

Iom post iom Fomin akiris solidan reputacion, sed ne havis la licencon de arkitekto ankoraŭ. Li revenis al St.Peterburgo en 1905 kaj kompletigis la kurson de arkitekto, profesoro Leon Benois ĉe la Akademio de Belartoj. En 1909 li tie sukcese diplomiĝis gajninte unujaran studvojaĝon al Grekio, Egiptujo kaj Italio.

La Rusia enlanda milito ĉesigis tute novan konstruadon nure la malmultaj arkitekturaj taskoj koncentriĝis en monumenta propagando kaj urboplanado. Fomin administris sekurigi la prezidanton de Petrograda komisiono kaj dizajnis pejzaĝon de la Marskampo.

Fomin ekzercis la novan generacion de arkitektoj ĉe VĤUTEMAS (Rusa akronimo de Alta Arta kaj Teknika Studio aŭ Moskva Lernejo de Pentrarto, Skulptarto kaj Arkitekturo), samtempe li evoluigis sian propran koncepton de proleta klasikismo. Li asertis, ke universala arkitekturo devas prunti esencajn principojn de klasikismo, sed la detaloj de klasikismo ne estas gravaj. Kiel rezulto, la nova arkitektura ordo povas esti simpligata al lakona aro de bazelementoj, ne esti ligata per striktaj proporcioj.

En 1929 Fomin translokiĝis al Moskvo. En 1933, kiam ĉiuj Moskvo-arkitektoj estis iniciitaj al 20 Mossovet (Moskva Konsilio de Popolaj Deputitoj) atelieroj, Fomin estis nomumita por gvidi la Trian Desegnan atelieron. Tie li verkis siajn tri lastajn projektojn.

Lia edzino nomiĝis Aleksandra Nikolajevna (1874-1964). La geedzoj havis filon Igor (1904 - 1989), kiu famiĝis kiel elstara arkiteko kaj filinon Iraida (1906-1964), kies nomo estas konata en la mondo kiel lerta libra grafikistino.

Ivan Fomin mortis la 12-an de junio 1936 kaj estis sepultita en Novodeviĉje tombejo en Moskvo.

Kreaĵoj

• Monumentoj en Vitebsko, Borisov, Volkovisko omaĝe al rusaj soldatoj pereintaj dum la Franca invado al Rusio en 1812
• Rekonstruo de insulo Golodaj en Sankt Peterburgo por novaj loĝkvartaloj, kiu ne finiĝis pro komenco de la Unua Mondmilito
• Konsiliejo en Brjansk
• Politekniko en Ivanovo
• Sanatorio "Udarnik" en Ĵeleznovodsk
• Konstruaĵo "Dinamo" en Moskvo
• Konstruaĵo de Ministrejo pri Fervojo en Moskvo
• Registarejo en Kievo (Ukrainio)
• Metrostacio "Ruĝa Pordego" en Moskvo

Eksteraj ligiloj

• http://www.orel-story.ru/forum/index.php?action=vthread&forum=17&topic=531 biografio ruse
• http://www.invaluable.com/artist/fomin-ivan-k9ezhihevl biografio angle
• http://fr.peopleofrussia.com/biographie-de-fomine-ivan-aleksandrovich.html biografio france

Bildaro

• 
  Ministrejo pri Fervojo en Moskvo
• 
  Malsanulejo en Moskvo
• 
  Registarejo en Kievo (Ukrainio)
• 
  Konstruaĵo "Dinamo" en Moskvo
• 
  Marskampo en Sankt Peterburgo
• 
  Metrostacio "Ruĝa Pordego" (subtera parto)
• 
  Nerealigita projekto de Ministrejo pri Maŝinkonstruado en Moskvo