Julius Fučík (ĵurnalisto)

El Vikipedio, la libera enciklopedio
Saltu al: navigado, serĉo
Julius Fučík
Julius Fučík 2.gif
Personaj informoj
Naskiĝo 23-an de februaro 1903 (1903-02-23)
en Smíchov
Morto 8-an de septembro 1943 (1943-09-08) (40-jara)
en Berlino
Kaŭzo de morto pendumo
Ŝtataneco Ĉeĥoslovakio
Profesio verkisto, ĵurnalisto
Lingvokapablo ĉeĥa lingvo
Familianoj
Edz(in)o Gusta Fučíková
Patro Karel Fučík
v  d  r
Information icon.svg

Julius FUČÍK (naskiĝis la 23-an de februaro, 1903, mortis la 8-an de septembro, 1943) estis ĉeĥa komunista ĵurnalisto ekzekutita de nazioj en Berlino-Plötzensee. En karcero li verkis danke al helpo de ĉeĥa gardisto Kolínský verkon Riporto skribita en pendumila maŝo (esperantigita de R. Hromada), kiu post la milito estis tradukita en pli ol 80 lingvojn (en la japanan tradukis ĝin fama japana esperantisto kaj bohemisto Kurisu Kei). Ĉar la verko estis misuzata por propagandaj celoj de la totalisma reĝimo en Ĉeĥoslovakio, ĉiu nova eldono aperis kun kelkaj ŝanĝetoj, kio vekis suspekton, ke la libron aŭtoris iu alia kaj ke ĉio estas granda mensogo. Nur en 1992 ekspertoj povis traesplori la manuskriptajn papervolvaĵojn, elportitajn sekrete el la karcero, kaj konstatis, ke ili estas aŭtentaj, sed la publikigata versio estis iom "korektita" (ekzemple oni sekretigis konfeson de Fučík, ke li ne eltenis torturadon kaj parolis). Do la Esperanta eldono el 1979 suferas pro la mankoj, tamen la traduko estas leginda jam pro tio, ke ĝi estas laboro de Rudolf Hromada, unu el plej bonaj stilistoj de la Esperanta literaturo.

Fučík estis ankaŭ literatura kritikisto. El liaj kritikoj pleje gravas la eseoj pri la verkistoj Karel Sabina kaj Božena Němcová kaj pri la Nacia Teatro en Prago.

Li estis la nepo de la samnoma ĉeĥa komponisto.